ڪراچي؛ 28 مئي 2014
متحده قومي موومينٽ جي رابطا ڪميٽي ڪي اليڪٽرڪ جي طرفان بجلي جي صارفين کي وڌيڪ بل موڪلڻ تي وڏي ڳڻتي جو اظهار ڪيو آهي. پنهنجي هڪ بيان ۾ رابطا ڪميٽي چيو ته بجلي جي چوري جي روڪٿام جي لاءِ مناسب قدمَ کڻڻ جي ضرورت آهي. ۽ جيڪي ماڻهو بجلي چوري ڪري رهيا آهن انهن کان نيپرا جي قانون جي مطابق وڌيڪ بلن جي وصولي ڪرڻ گهرجي، پر عوام جي طرفان اهي شڪايتون لڳاتار اچي رهي آهيون ته اڪثر اهڙن صارفين کي به بجلي چوري جي ڏوھ ۾ اضافي بل موڪليا پيا وڃن جيڪي بجلي جي چوري ۾ ملوث نه آهن. صارفين جڏهن پنهنجيون شڪايتون ڪي اليڪٽرڪ جي آفيس ۾ داخل ڪرائين ٿا ته انهن کي چيو وڃي ٿو ته هاڻي بل بڻجي چڪو آهي ۽ ان کي لازمي جمع ڪرائڻو پوندو. رابطا ڪميٽي چيو ته جيڪڏهن صارف بجلي چوري نه ڪئي آهي ته پوءِ ان ڏانهن وڌيڪ بل موڪلڻ ۽ ان جي ادائگي تي اصرار ڪرڻ وڏي زيادتي آهي. رابطا ڪميٽي چيو ته ايم ڪيو ايم جي نمائندن وٽ وڌيڪ بلن جي متعلق شڪايتن جا ڍير لڳي ويا آهن ، رابطا ڪميٽي ڪي اليڪٽرڪ جي انتظاميه تي زور ڏنو ته اها وڌيڪ بلن جي شڪايتن تي فوري توجه ڏي ۽ ان ۾ ملوث آفيسرن جي خلاف ڪاروائي ڪئي وڃي.