عالمي شهرت يافته قوال امجد صابري شهيد کي هزارين آلين اکين سان گڏ پاپوش نگر جي قبرستان ۾ مٽي ماءُ حوالي ڪيو ويو
جنازي نماز ۽ تدفين ۾ رابطا ڪميٽي جي سينيئر ڊپٽي ڪنوينر ڊاڪٽر فاروق ستار،ڊپٽي ڪنوينرن ڪنور نويد جميل، ڪهف الورٰي، رابطا ڪميٽي ميمبرن، حق پرست سينيٽرن ۽ اسيمبلي ميمبرن ، نامزد ميئر وسيم اختر ۽ ايم ڪيو ايم جي ڪارڪنن جي هزارن جي تعداد ۾ شرڪت
ڪراچي: 23 جون 2016
عالمي شهرت يافته قوال امجد صابري شهيد کي هزارين آلين اکين سان گڏ پاپوش نگر جي قبرستان ۾ مٽي ماءُ حوالي ڪيو ويو. جنازي نماز جي موقعي تي هر اک آلي هئي ۽ علائقي جو سمورو ڪاروبار به بند هو. عوام پنهنجن ٻانهن تي ڪاريون پٽيون ٻڌيون هيون. جنازي نماز جو جلوس ايترو وڏو هو جو اهو لياقت آباد نمبر 4 کان ناظم آباد نمبر 7 تائين نظر اچي رهيو هو. شهيد جي جنازي نماز ۾ ايم ڪيو ايم رابطا ڪميٽي جي سينيئر ڊپٽي ڪنوينر ڊاڪٽر فاروق ستار، ڊپٽي ڪنوينرن ڪنور نويد جميل، ڪهف الورٰي، رابطا ڪميٽي ميمبرن، سنڌ اسيمبلي ۾ اپوزيشن ليڊر خواجه اظهار الحسن، نامزد ميئر وسيم اختر ، ڊپٽي ميئر ارشد وهره، حق پرست سينيٽرن ۽ اسيمبلي ميمبرن کان علاوه ڪارڪنن هزارن جي تعداد ۾ شرڪت ڪئي. ان کان علاوه سياسي و مذهبي شخصيتن، فنڪارن، عالمن سڳورن، نعت خوان حضرات ۽ قوال حضرات سميت زندگي جي مختلف شعبن سان تعلق رکڻ وارن ماڻهن به هزارن جي تعداد ۾ شرڪت ڪئي. ان کان علاوه رابطا ڪميٽي ميمبر محترمه زرين مجيد شعبه خواتين ۽ اسيمبلي جي عورت ميمبرن سان گڏجي شهيد جي گهر وڃي ڪري انهن جي پونئرن سان تعزيت ڪئي ۽ انهن کي صبر جي تلقين به ڪئي.
*****