ايم ڪيو ايم جي يوم تاسيس جي اجتماع ۾ پاڪستان ۾ انتظامي بنيادن تي 20 صوبا قائم ڪرڻ جي قرارداد منظور ڪئي وئي

لنڊن: 28 مارچ 2016 

                 ايم ڪيو ايم برطانيه جي زير اهتمام لنڊن ۾ ايم ڪيو ايم جي 32 هين يوم تاسيس جي اجتماع ۾ رابطا ڪميٽي جي ڪنوينر نديم نصرت پاڪستان ۾ انتظامي بنيادن تي 20 صوبن جي قيام جي قرارداد پيش ڪئي. اجتماع ۾ موجود حاضرين پنهنجا هٿ مٿي کڻي ڪري ان قرارداد جي ڀرپور حمايت ڪئي. نديم نصرت چيو ته حديث نبوي پاڪ صلي الله عليه وسلم آهي ته جڏهن آبادي وڌڻ لڳي ته نوان نوان شهر آباد ڪريو. پاڪستان جي آبادي به هن وقت 20 ڪروڙن کان وڌيڪ ٿي چڪي آهي. ان جي ڪري ضرورت ان ڳالھھ جي آهي ته پاڪستان ۾ انتظامي بنيادن تي 20 صوبا قائم ڪيا وڃن. انهن چيو ته ڪراچي ايترو وڏو شهر آهي جو ان کي پاڻ ئي هڪ انتظامي يونٽ هجڻ گهرجي. انهن ته اسان صرف ڪراچي کي ئي انتظامي بنيادن تي يونٽ يا صوبو بڻائڻ جي ڳالھھ نه ٿا ڪريون. بلڪه سڄي ملڪ ۾ عوام صوبن جي قيام جو مطالبو ڪري رهيا آهن. هزاري وال، بهاولپور، پوٺهار ۽ ٻين علائقن جا عوام به صوبن جو مطالبو ڪري رهيا آهن. ان جي ڪري اختياري ڌرين کي انهن مطالبن تي توجه ڏيڻ گهرجي.انهن چيو  ته اسان اهو به نه ٿا چئون ته ڪراچي جي ماڻهن کي پنجاب يا ڪي پي ڪي جي پوليس ۽ انتظاميه ۾ ڀرتي ڪيو وڃي. اسان جو چوڻ صرف اهو آهي ته ڪراچي جي پوليس ۾ ڪراچي جي ماڻهن کي ئي ڀرتي ڪيو وڃي ۽ ڪراچي کي مانسٽرانزٽ جي به سخت ضرورت آهي. 

*****