لاهور جي علائقي گلشن اقبال پارڪ ۾ بم ڌماڪو دهشت گردي ۽ ظلم جو هڪ وڏو واقعو آهي. قائد تحريڪ جناب الطاف حسين
لنڊن: 27 مارچ 2016
متحده قومي موومينٽ جي قائد جناب الطاف حسين لاهور جي علائقي گلشن اقبال پارڪ ۾ بم ڌماڪي جي سخت ترين لفظن ۾ مذمت ڪئي آهي ۽ ان دهشت گردي جي واقعي ۾ 50 کان وڌيڪ ماڻهن جي هلاڪ ۽ 100 کان وڌيڪ ماڻهن جي زخمي ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ جناب الطاف حسين فرمايو ته اهو دهشت گردي ۽ ظلم جو هڪ انتهائي وڏو واقعو آهي. جنهن جي جيتري به مذمت ڪئي وڃي اها گهٽ آهي. جناب الطاف حسين فرمايو ته مان ۽ منهنجا سمورا ڪارڪن ان واقعي ۾ هلاڪ ٿيندڙ ماڻهن جي پونئرن جي ڏک ۾ برابر جا شريڪ آهن. انهن بم ڌماڪي ۾ هلاڪ ٿيندڙ ماڻهن جي پونئرن سان دلي تعزيت ۽ همدردي جو اظهار ڪندي دعا ڪئي ته الله تعالٰي هلاڪ ٿيندڙن کي جنت الفردوس ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين.
*****