پريس ڪلب تي جاگ ٽي وي جي ڊي ايس اين جي ۽ اسٽاف تي حملو آزادي صحافت تي حملو آهي. ايم ڪيو ايم رابطا ڪميٽي
ڪراچي: 27 مارچ 2016
متحده قومي موومينٽ جي رابطا ڪميٽي ڪراچي پريس جي ٻاهران جاگ ٽي وي جي ڊي ايس اين جي ۽ اسٽاف تي حملي جي سخت ترين لفظن ۾ مذمت ڪئي آهي ۽ ان واقعي کي آزادي صحافت تي حملو قرار ڏنو آهي. پنهنجي هڪ بيان ۾ رابطا ڪميٽي چيو ته جاگ ٽي وي جو اسٽاف پريس ڪلب جي ٻاهران پنهنجيون صحافتي ذميواريون انجام ڏيئي رهيو هو ته ڪن شر پسندن انهن تي حملو ڪري ڏنو جنهن جي نتيجي ۾ ڊي ايس اين جي کي سخت نقصان پهتو ۽ اسٽاف به سخت زخمي ٿي پيو. جنهن جي جيتري به مذمت ڪئي وڃي اها گهٽ آهي. رابطا ڪميٽي چيو ته ميڊيا هائوسز ، صحافين ۽ انهن جي سامان جي حفاظت جي ذميواري حڪومت ۽ انتطاميه جي آهي پر ائين محسوس ٿي رهيو آهي ته حڪومت ۽ انتظاميه پنهنجيون ذميواريون پوريون نه ڪري رهيون آهن. جنهن جي ڪري صحافين ۾ وڏي مايوسي پاتي وڃي ٿي. رابطا ڪميٽي زخمي ٿيندڙ اسٽاف سان دلي همدردي جو اظهار ڪندي انهن جي جلد و مڪمل صحتيابي جي لاءِ دعا ڪندي حڪومت کان مطالبو ڪيو ته اها ان حملي جو سخت نوٽس وٺي ۽ ان واقعي جي تحقيقات ڪري ذميوارن جي خلاف سخت ڪاروائي ڪئي وڃي.