ايمانداري سان آدم شماري ڪرائي وڃي، مڪاني نمائندن کي اختيار ۽ وسيلا ڏنا وڃن ۽ ملڪ ۾ 20 صوبا قائم ڪيا وڃن. ڊاڪٽر فاروق ستار
فڪري ۽ نظرياتي تحريڪون سڪون ۾ نه ٿيون رهن. شاهد پاشا
جناح گرائونڊ ۾ 32 هين يوم تاسيس جي موقعي تي اجتماع کي خطاب
ڪراچي: 18 مارچ 2016
متحده قومي موومينٽ جي رابطا ڪميٽي جي سينيئر ڊپٽي ڪنوينر ڊاڪٽر فاروق ستار چيو آهي ته 24 سالن کان پوءِ پاڪستان قائم نه رهي سگهيو هو ۽ ايم ڪيو ايم پنهنجي قيام جا 32 مڪمل ڪري رهي آهي، اهو هڪ اشارو به آهي ته باقي بچيل پاڪستان جي بقا و سلامتي جي ضمانت 32 سالن کان هر چينلج جو مقابلو ڪرڻ وارو ئي ڏيئي سگهي ٿو. انهن خيالن جو اظهار انهن جناح گرائونڊ ۾ ايم ڪيو ايم جي 32 هين يوم تاسيس کي خطاب ڪندي ڪيو. ان موقعي تي ٻيا به موجود هئا. ڊاڪٽر فاروق ستار چيو ته اسان جو سياسي عمل ۽ جناب الطاف حسين جو نظريو اڄ 32 سالن جو ٿي ويو آهي. انهن چيو ته اهڙيون سوين سازشون 32 سالن ۾ ايم ڪيو ايم جي خلاف ڪيون ويون. پر قائد تحريڪ جناب الطاف حسين هر سازش جو ڄمي ڪري مقابلو ڪيو آهي. انهن مطالبو ڪندي چيو ته ايمانداري سان آدمشماري ڪرائي وڃي، پاڪستان ۾ 20 صوبا قائم ڪيا وڃن،انهن چيو ته آئين جي آرٽيڪل 140 اي جي تحت مڪاني ادارن کي اختيار ۽ وسيلا ڏنا وڃن ۽ قائد تحريڪ جناب الطاف حسين جي ميڊيا تان پابندي هٽائي وڃي. انهن چيو ته اڄ جو ڏينهن جناب الطاف حسين سان تجديد عهد وفا جو ڏينهن به آهي ۽ اسان کي انهن جي فڪر ۽ نظريي سان وفا نڀائڻي آهي. انهن چيو ته اسان کي منزل کان هٽائڻ جي لاءِ هڪ ڀيرو ٻيهر سازشون ڪيون پيون وڃن پر اسان پنهنجي اتحاد سان انهن سازشن کي ناڪام بڻائينداسين. انهن سوال ڪيو ته ڇا جناح پور کان وڏو ڪوئي الزام ٿي سگهي ٿو. جڏهن ان کي واپس ورتو ويو آهي ته هاڻي را کان فنڊن يا انڊيا سان تعلق جي الزامن کي به اسان رڌ ڪريون ٿا. انهن چيو ته اهو الزام ميڊيا ۾ لڳو آهي ته اسان جواب به ميڊيا ۾ ئي ڏيئي رهيا آهيون پر جيڪڏهن اهو الزام عدالتن ۾ ايندو ته پوءِ اسان اتي به ان جو سامنو ڪنداسين. ان موقعي تي خطاب ڪندي رابطاڪميٽي جي ڊپٽي ڪنوينر شاهد پاشا چيو ته جناب الطاف حسين پنهنجي جواني ۽ خواهشن کي حق پرستي جي خاطر ۽ اسان جي خاطر قربان ڪري ڇڏيو آهي. انهن چيو ته فڪري ۽ نظرياتي تحريڪون سڪون جي حالت ۾ نه ٿيون رهن ۽ اسان کي جناب الطاف حسين جي فڪر و فلسفي کي هر ڏکيائي جي باوجود ڦيلائڻو آهي. ان موقعي تي خطاب ڪندي رابطا ڪميٽي ميمبرن شبير احمد قائم خاني،محترمه نسرين جليل، ڪمال ملڪ ۽ اسلم آفريدي چيو ته ايم ڪيو ايم کي ختم ڪرڻ جون پهرين ئي ڏينهن کان سازشون ڪيون پيون وڃن پر الله تعالٰي جي فضل ڪرم سان ايم ڪيو ايم اڄ به قائم آهي ۽ قيامت تائين قائم رهندي. ان موقعي تي سي اي سي ميمبر هير سوهو به خطاب ڪيو.