آزادي جي لاءِ لکين قربانيون ڏيڻ وارن جون نسلون ڪنهن به صورت ۾ غلامي جي زندگي گذاري نه ٿيون سگهن. رابطا ڪميٽي ميمبرَ محمد حسين ۽ اقبال مقدم
حيدرآباد ۾ تربيتي نشستن کي خطاب
حيدرآباد: 16 مارچ 2016
متحده قومي موومينٽ جي رابطا ڪميٽي جي ميمبرن محمد حسين ۽ اقبال مقدم چيو آهي ته قوم کي غلام رکڻ جي لاءِ ضمير فروشن جو ٽولو موروثي حڪمرانن جي اشارن تي ايم ڪيو ايم جي خلاف سازشون ڪري رهيو آهي. انهن چيو ته آزادي جي لاءِ لکين قربانيون ڏيڻ وارن جون نسلون غلامي جي زندگي گذاري نه ٿيون سگهن. انهن خيالن جو اظهار انهن سيڪٽر آئي ۽ سيڪٽر ڪينٽ ۾ الڳ الڳ تربيتي نشستن کي خطاب ڪندي ڪيو. ان موقعي تي سنڌ تنظيمي ڪميٽي جا ميمبر به موجود هئا. انهن چيو ته قائد تحريڪ جناب الطاف حسين مظلوم قومن جي حقن جي لاءِ پنهنجي ڀاءُ ۽ ڀائيٽي جي جانين جي قرباني به ڏني ۽ اڄ انهن کان قرباني گهرڻ وارا ٻڌائين ته انهن پنهنجن گهرن مان مظلوم قوم جي لاءِ ڇا قربان ڪيو آهي. انهن چيو ته قائد تحريڪ جناب الطاف حسين ۽ مظلوم قوم جو رشتو روح ۽ جسم وانگر آهي. جنهن کي ختم ڪري نه ٿو سگهجي. انهن چيو ته موجوده حالتن ۾ ڪارڪن پنهنجي اتحاد کي وڌيڪ مضبوط بڻائين ۽ دشمنن جي لاءِ استعمال ٿيندڙ انشاء الله تعالٰي خوار ٿيندا. تربيتي نشستن کي سنڌ تنظيمي ڪميٽي جي ميمبرن ۽ سيڪٽر انچارجن به خطاب ڪيو.
*****