آپريشن ضرب عضب جي تحت دهشت گردي جي خلاف حاصل ٿيندڙ ڪاميابين جي فائدن کي گهٽ ٿيڻ نه ڏنو وڃي. قائد تحريڪ جناب الطاف حسين

لنڊن: 7 مارچ 2016 

                  متحده قومي موومينٽ جي قائد جناب الطاف حسين چارسده جي تعلقي شبقدر ۾ سيشن ڪورٽ جي ويجهو خودڪش ڌماڪي جي سخت ترين لفظن ۾ مذمت ڪئي آهي. پنهنجي هڪ بيان ۾ جناب الطاف حسين هن خودڪش ڌماڪي ۾ ڪيترن ئي پوليس اهلڪارن جي هلاڪ ۽ ڪيترن ئي جي زخمي ٿيڻ تي وڏي ڏک ۽ افسوس جو اظهار ڪندي فرمايو آهي ته اندرين ۽ ٻاهرين سطح تي ملڪي استحڪام جي لاءِ ضروري آهي ته جيٽ بليڪ دهشت گردن ۽ انهن جي سهولت ڪارن کي ڍر نه ڏني وڃي ۽ آپريشن ضرب عضب جي تحت دهشت گردي جي خلاف حاصل ٿيندڙ ڪاميابين جي فائدن کي گهٽ ٿيڻ نه ڏنو وڃي ۽ ملڪ ۾ باقي بچيل دهشت گردن جو به خاتمو ڪري عوام جي جان و مال جي تحفظ ۽ ملڪي استحڪام کي يقيني بڻايو وڃي. جناب الطاف حسين خودڪش ڌماڪي ۾ هلاڪ ٿيندڙ پوليس اهلڪارن جي پونئرن سان دلي تعزيت ۽ همدردي جو اظهار ڪندي فرمايو ته مون سميت ايم ڪيو ايم جا سمورا ڪارڪن اوهان جي ڏک ۾ برابر جا شريڪ آهن ۽ مان دعا ڪريان ٿو ته الله تعالٰي هلاڪ ٿيندڙن کي جنت الفردوس ۾ اعلٰي مقام عطا فرمائي ۽ سوگوار پونئرن کي اهو صدمو برداشت ڪرڻ جو حوصلو عطا فرمائي. جناب الطاف حسين وزير اعظم ميان نواز شريف، آرمي چيف جنرل راحيل شريف ۽ وزير اعلٰي ڪي پي ڪي پرويز خٽڪ کان مطالبو ڪيو ته چارسده جي تعلقي شبقدر ۾ خودڪش ڌماڪي ۾ ملوث دهشت گردن ۽ انهن جي سرپرستن کي فوري طور تي گرفتار ڪيو وڃي ۽ عوام جي جان و مال جي تحفظ جي لاءِ آپريشن ضرب جي تحت جيٽ بليڪ دهشت گردن ۽ انهن جي سهولت ڪارن جي خلاف وڌيڪ مثبت ۽ ٺوس قدمن جي تحت عملي ڪاروائي ڪئي وڃي.

*****