سانگهڙ ميونسپل ڪميٽي جي مڪاني اليڪشن ۾ حق پرستن جي ڪاميابي حق ۽ سچ جي فتح آهي. قائد تحريڪ جناب الطاف حسين

لنڊن: 26 فيبروري 2016 

                   قائد تحريڪ جناب الطاف حسين سانگهڙ ميونسپل ڪميٽي ٽنڊو آدم جي وارڊ نمبر 4 کان محمد صادق قائم خاني، وارڊ نمبر 5 کان اصغر عباسي، وارڊ نمبر 7 کان شوڪت شيخ ۽ وارڊ نمبر 22 کان نور خان راجپوت جي شاندار ڪاميابي تي سانگهڙ جي حق پرست عوام جو شڪريو ادا ڪندي انهن کي مبارڪباد پيش ڪئي آهي. پنهنجي هڪ بيان ۾ جناب الطاف حسين فرمايو ته سانگهڙ ۾ حق پرستن جي ڪاميابي حق ۽ سچ جي فتح آهي. انهن فرمايو ته ايم ڪيو ايم غريب ۽ مظلومن جي جائز حقن جي لاءِ عملي جدوجهد ڪري رهي آهي ۽ سانگهڙ جي مڪاني اليڪشن ۾ حق پرستن جي واضع فتح ثابت ڪري ڇڏيو آهي ته ايم ڪيو ايم جو پيغام سانگهڙ سميت سڄي ملڪ ۾ تيزي سان ڦيلجي رهيو آهي. انهن ڪامياب ٿيندڙ اميدوارن کي مبارڪباد ڏيندي فرمايو ته عوام جي خدمت ئي ايم ڪيو ايم جو نصب العين آهي. ان جي ڪري ڪامياب ٿيندڙ اميدوارن تي وڏي ذميواري عائد ٿئي ٿي. 

*****