سنڌ خصوصن ڪراچي جي مختلف ادارن، واپارين ۽ بيورو ڪريسي جي ماڻهن کي فون ڪري فنڊ گهرڻ وارن ۽ ٽرانسفر پوسٽنگ جي حوالي سان ڳالھھ ڪندڙ ماڻهن جو ايم ڪيو ايم سان ڪوئي به تعلق نه آهي. ايم ڪيو ايم رابطا ڪميٽي جو اعلاميو
ڪراچي: 25 فيبروري 2016
متحده قومي موومينٽ جي رابطا ڪميٽي چيو آهي ته سنڌ خصوصن ڪراچي جي مختلف ادارن، واپارين ۽ بيورو ڪريسي جي ماڻهن کي فون ڪري فنڊ گهرڻ ۽ ٽرانسفر پوسٽنگ جي حوالي سان ڳالھھ ڪرڻ وارن ماڻهن جو ايم ڪيو ايم سان ڪوئي به تعلق نه آهي. پنهنجي هڪ وضاحتي بيان ۾ رابطا ڪميٽي چيو ته اطلاعون آهن ته مختلف ادارن، واپارين ۽ بيورو ڪريسي جي ماڻهن کي اڻ ڄاتل ماڻهن جي طرفان ايم ڪيو ايم جي رابطا ڪميٽي ۽ ايم ڪيو ايم جي ٻين ذميوارن جي نالن سان فون ڪيا پيا وڃن ۽ انهن کان فنڊ گهرڻ کان علاوه ٽرانسفر پوسٽنگ جي حوالي سان به ڳالھھ ڪئي پئي وڃي.رابطا ڪميٽي چيو ته مذڪوره ماڻهن جو ايم ڪيو ايم جي رابطا ڪميٽي ۽ ٻين ذميوارن سان ڪوئي به تعلق نه آهي ۽ اهڙا ماڻهو ايم ڪيو ايم جو نالو استعمال ڪري ايم ڪيو ايم کي بدنام ڪرڻ جي ڪوشش ڪري رهيا آهن. ان جي ڪري جنهن به اداري ۽ بيوروڪريسي جي ماڻهن کي اهڙا فون موصول ٿين ته اهي ان جي اطلاع فوري طور تي قانون نافذ ڪرڻ وارن ادارن کي ڏين.
*****