ملڪ جون ٻه وڏيون سياسي جماعتون ڪشمير جهڙي خوبصورت ۽ پرامن ماٿري کي معصوم شهرين جي رت سان رنگڻ چاهين ٿيون. ڊاڪٽر فاروق ستار
ڪراچي: 14 فيبروري 2016
متحده قومي موومينٽ جي سينيئر ڊپٽي ڪنوينر ڊاڪٽر فاروق ستار آزاد ڪشمير نڪيال سيڪٽر ۾ فائرنگ جي واقعي جي پرزور لفظن ۾ مذمت ڪندي چيو آهي ته اقتدار جي جنگ ۽ هوس ۾ ملڪ جون وڏيون سياسي پارٽيون ڪشمير جهڙي خوبصورت ۽ پرامن ماٿري کي معصوم ڪشميرين جي رت سان رنگي رهيون آهن. انهن چيو ته ان واقعي سان ڪشمير ڪاز کي ڪيترو نقصان پهتو ۽ عالمي سطح تي ڪيتري بدنامي ٿي آهي ان جو اندازو شايد انهن گهٽ عقل وارن کي نه آهي. انهن وزير اعظم ميان نواز شريف سميت سمورن لاڳاپيل حڪام کان مطالبو ڪيو ته اهي هن واقعي جي انڪوائري جي لاءِ اعلٰي سطحي ڪميشن تشڪيل ڏين ته جيئن ذميوارن جو تعين ٿي سگهي.
*****