پنجاب ۾ وڌندڙ تحريڪي ڪم کي ڏسندي ايم ڪيو ايم 13 رڪني صوبائي تنظيمي ڪميٽي جو اعلان ڪيو آهي. ايم ڪيو ايم پنجاب جو صدر ميان عتيق
لاهور: 13 فيبروري 2016
متحده قومي موومينٽ پنجاب جي صدر ۽ سينيٽر ميان عتيق چيو آهي ته ايم ڪيو ايم سڄي ملڪ جي مظلومن ۽ محرومن جي نمائنده جماعت آهي. جيڪا فرسوده نظام جي تبديلي جي لاءِ جدوجهد ڪري رهي آهي.انهي ڏوھ ۾ ايم ڪيو ايم جي خلاف رياستي آپريشن ڪيو ويو ۽ هزارين ڪارڪنن کي شهيد به ڪيو ويو . انهن خيالن جو اظهار انهن ايم ڪيو ايم پنجاب هائوس لاهور ۾ 13 رڪني ڪميٽي سان گڏ پريس ڪانفرنس ڪندي ڪيو. انهن چيو ته پنجاب ۾ وڌندڙ تحريڪي ڪم کي ڏسندي ايم ڪيو ايم رابطا ڪميٽي 13 رڪني پنجاب ڪميٽي جو اعلان ڪيو آهي. جيڪا سڄي پنجاب ۾ پارٽي جي اسٽرڪچر کي ٻيهر تشڪيل ڏيندي ۽ 2018 جي اليڪشن جي لاءِ پنجاب ۾ سرگرمين جو آغاز به ڪندي. انهن چيو ته قائد تحريڪ جناب الطاف حسين جي ميڊيا تي پابندي جو فيصلو پاڪستان جي تاريخ جو هڪ عجيب فيصلو آهي جنهن سان انهن جي ڪروڙين چاهڻ وارن جي دل آزاري ٿي آهي. انهن چيو ته جناب الطاف حسين ۽ ايم ڪيو ايم هميشه قانون نافذ ڪرڻ وارن ادارن، عدالتن ۽ قانون جو احترام ڪيو آهي.ان جي ڪري حڪومت کي اپيل آهي ته اها قائد تحريڪ جناب الطاف حسين جي مٿان ميڊيا پابندي کي فوري طور تي ختم ڪري.
*****