ڪراچي ۾ ٻن ڪلاڪن جي دوران ٻن تعليمي ادارن ۽ هڪ ٿاڻي کي دستي بمن سان نشانو بڻائڻ تي ايم ڪيو ايم جي ڊپٽي ڪنوينر محترمه نسرين جليل جو صوبائي وزير داخلا سهيل احمد سيال سان ٽيليفون تي رابطو
ڪراچي: 12 فيبروري 2016
متحده قومي موومينٽ جي سينيٽر محترمه نسرين جليل ٻن تعليمي ادارن ۽ هڪ ٿاڻي کي دستي بمن حملن سان نشانو بڻائڻ تي صوبائي وزير داخلا سهيل انور سيال سان ٽيليفون تي رابطو ڪيو ۽ دستي بم حملن تي ايم ڪيو ايم جي طرفان ڳڻتي جو اظهار به ڪيو.محترمه نسرين جليل چيو ته ڪراچي ۾ ان کان اڳ به تعليمي ادارن کي ڌمڪي وارا پيغام ملي چڪا آهن پر سنڌ حڪومت ان تي ڪي به قدم نه کنيا. جنهن جي جيتري به مذمت ڪئي وڃي اها گهٽ آهي. انهن چيو ته سنڌ حڪومت جي بنيادي ذميواري آهي ته اها تعليمي ادارن ۽ عوام جي جان و مال کي تحفظ فراهم ڪري. پر سنڌ حڪومت تعليمي ادارن ۽ عوام کي تحفظ فراهم ڪرڻ ۾ بلڪل ناڪام وئي آهي. جنهن تي افسوس جو اظهار ڪرڻ کان سواءِ ٻيو ڪجھھ به ڪري نه ٿو سگهجي.
ان کان اڳ محترمه نسرين جليل اپوا ڪاليج جي پرنسپل سان به فون تي رابطو ڪيو ۽ ايم ڪيو ايم جي طرفان دستي بم حملي تي ڳڻتي جو اظهار ڪيو.