ڪريم آباد ۾ اپوا ڪاليج، نارٿ ناظم آباد ۽ گلشن اقبال ۾ دهشت گردن جي طرفان دستي بم حملا مذمت جوڳا آهن. نديم نصرت

لنڊن: 12 فيبروري 2016 

  متحده قومي موومينٽ جي رابطا ڪميٽي جي ڪنوينر نديم نصرت ڪريم آباد ۾ اپوا ڪاليج، نارٿ ناظم آباد ۾ گرلز اسڪول ۽ گلشن اقبال ۾ مبينه ٽائون ٿاڻي تي دستي بم حملن جي سخت ترين لفظن ۾ مذمت ڪئي آهي. پنهنجي هڪ بيان ۾ انهن چيو ته ان کان اڳ به دهشت گرد ڪراچي ۽ ٻين شهرن ۾ اسڪولن، ڪاليجن ۽ عوامي هنڌن کي دهشت گردي جو نشانو بڻائيندا رهيا آهن، جڏهن ته ڪراچي ۾ ڪجھھ ڏينهن  اڳ ئي پابندي وڌل تنظيمن جي طرفان نارٿ ناظم آباد جي ڪجھھ اسڪولن کي ڌمڪي وارا خط به ملي چڪا آهن پر حڪومت جي طرفان تعليمي ادارن جي تحفظ جي لاءِ ڪي به قدم نه کنيا ويا ۽ اڄ دهشت گردن ڪريم آباد جي اپوا ڪاليج، نارٿ ناظم آباد ۾ گرلز اسڪول ۽ گلشن اقبال ۾ مبينه ٽائون ٿاڻي کي دستي بمن سان نشانو بڻايو ويو ، پر الله سائين جو شڪر آهي ته انهن واقعن ۾ ڪوئي به جاني نقصان نه ٿيو آهي. انهن چيو ته جيڪي دهشت گرد تعليمي ادارن کي نشانو بڻائي رهيا آهن اهي ڪنهن به رعايت جا مستحق نه آهن. انهن چيو ته اها ڳالھھ انتهائي شرمناڪ آهي ته اڳواٺ ڌمڪين جي باوجود به سنڌ حڪومت اسڪولن، ڪاليجن ۽ يونيورسٽين جي تحفظ جي لاءِ ڪي به قدم نه کنيا آهن ۽ ان سلسلي ۾ وڏي ڪوتاهي ڪري رهي آهي. جنهن جي جيتري به مذمت ڪئي وڃي اها گهٽ آهي. انهن حڪومت کان مطالبو ڪيو ته اها تعليمي ادارن  ۽ عام شهرين جي جان و مال جي تحفظ جي لاءِ فوري طور تي قدم کڻي. انهن زخمي ٿيندڙ ماڻهن سان دلي همدردي جو اظهار به ڪيو ۽ انهن جي جلد و مڪمل صحتيابي جي لاءِ دعا به ڪئي.