تحرير، تقرير ۽ تصوير تي پابندي عائد ڪري قائد تحريڪ جناب الطاف حسين جي ڪروڙين چاهڻ وارن جي توهين جو عمل فوري طور تي بند ڪيو وڃي. ايم ڪيو ايم سينٽرل ايگزيڪٽو ڪائونسل .
ڪراچي: 31 جنوري 2016
متحده قومي موومينٽ جي سينٽرل ايگزيڪٽو ڪائونسل چيو آهي ته تحرير، تقرير ۽ تصوير تي پابندي جناب الطاف حسين جي ڪروڙين چاهڻ وارن جي توهين آهي جنهن کي فوري طور تي ختم ڪيو وڃي. پنهنجي هڪ بيان ۾ ان چيو ته جڏهن قائد تحريڪ جناب الطاف حسين کي ڪروڙين ماڻهو ٻڌڻ ۽ ڏسڻ چاهين ٿا ته اهڙي عظيم قائد جي خطابن ، بيانن ۽ تصويرن تي پابندي عائد ڪرڻ سڄي دنيا ۾ پاڪستان جي تصوير کي خراب ڪرڻ جي برابر آهي ۽ ائين ڪري دنيا کي ان ڳالھھ جو يقين ڏياريو پيو وڃي ته پاڪستان ۾ اختلاف رائي رکڻ ۽ سچ ڳالهائڻ وڏو ڏوھ آهي. ان وزير اعظم ميان نواز شريف، آرمي چيف جنرل راحيل شريف، چيف جسٽس آف پاڪستان ۽ چئني صوبائي چيف جسٽس صاحبان کي اپيل ڪئي آهي ته اهي جناب الطاف حسين جي ڪروڙين چاهڻ وارن جي رائي جو احترام ڪندي جناب الطاف حسين جي خطابن ، بيانن ۽ تصويرن تان پابندي کي فوري طور تي ختم ڪرائين.
*****