جناب الطاف حسين جي تقريرن ۽ تصويرن تي پابندي کي عوام هاڻي وڌيڪ برداشت نه ڪندا.حق پرست سينيٽر.
ڪراچي: 27 جنوري 2016
متحده قومي موومينٽ جي سينيٽرن چيو آهي ته قائد تحريڪ جناب الطاف حسين جي تقريرن ۽ تصويرن تي پابندي جمهوريت ۽ اظهار رائي جي آزادي جي بلڪل خلاف آهي ۽ ان پابندي کي حق پرست عوام هاڻي وڌيڪ برداشت نه ڪندا. پنهنجي هڪ گڏيل بيان ۾ انهن چيو ته جناب الطاف حسين جي تقريرن ۽ تصويرن تي پابندي جي خلاف ڪالھھ ڪراچي جي لکين ماڻهن چورنگين ۽ روڊن تي پنهنجو پرامن احتجاج ريڪارڊ ڪرايو آهي. جيڪو اختياري ڌرين کي آگاھ ڪرڻ جي لاءِ ڪافي آهي. انهن چيو ته جمهوري دور ۾ حڪومت جناب الطاف حسين جي تقريرن ۽ تصويرن تي پابندي اظهار رائي جي آزادي جون ڌڄيون اڏائڻ جي برابر آهي جنهن جي جيتري به مذمت ڪئي وڃي اها گهٽ آهي. انهن چيو ته ملڪ ۾ پابندي وڌل تنظيمن جا نام نهاد اڳواڻ پاڪ فوج، ملڪ ۽ قوم جي خلاف کلي عام لائوڊ اسپيڪرن تي تقريرون ڪري رهيا آهن. پر انهن تي ته ڪا به پابندي نه آهي پر جناب الطاف حسين جي تقريرن ۽ تصويرن تي پابندي عائد ڪئي وئي آهي. انهن اظهار رائي جي آزادي جي علمبردار ملڪي ۽ عالمي تنظيمن کي اپيل ڪئي ته اهي جناب الطاف حسين جي تقريرن ۽ تصويرن تي عائد پابندي جي خلاف آواز بلند ڪن. انهن وزير اعظم ميان نواز شريف، آرمي چيف جنرل راحيل شريف ۽ چيف جسٽس آف پاڪستان کان به مطالبو ڪيو ته اهي جناب الطاف حسين جي تقريرن ۽ تصويرن تي پابندي جو فوري طور تي خاتمو ڪرائين نه ته عوام ان پابندي جي خلاف ان وقت تائين احتجاج رکندا جيستائين ان جو خاتمو ٿي نه ٿو وڃي.
*****