محروم ۽ مظلوم عوام جا مسئلا اهو ئي حل ڪري سگهي ٿو جيڪو انهن مسئلن مان گذريو هجي. شبير احمد قائم خاني

راولپنڊي: 25 جنوري 2016 

متحده قومي موومينٽ جي رابطا ڪميٽي جي ميمبر شبير احمد قائم خاني چيو آهي ته غربت ، مهانگائي ۽ ٻين مسئلن جي شڪار پاڪستان جي محروم عوام جا مسئلا اهو ئي حل ڪري سگهي ٿو جيڪو انهن مسئلن مان گذريو هجي. انهن خيالن جو اظهار انهن اپر پنجاب ڪميٽي جي تنظيم نو جي موقعي تي خطاب ڪندي ڪيو. انهن چيو ته جيڪي عاليشان محلن ۾ رهندا هجن ۽ جيڪي پيدا ئي منھھ ۾ سون جو چمچو وٺي ڪري ٿيا هجن اهي غريبن جا مسئلا ڇا حل ڪندا.انهن چيو ته غريب ۽ وچولي طبقي جا مسئلا اهو ئي حل ڪري سگهي ٿو جيڪو انهن مسئلن مان گذريو هجي. ان موقعي تي انهن اپر پنجاب ڪميٽي جي نالن جو اعلان به ڪيو. اپر پنجاب ڪميٽي جو صدر ياسر اعواڻ، سينيئر نائب صدر محمد اڪرم لون، نائب صدر نديم خان، نائب، نائب صدر محمد شاھ عالم صديقي، نائب صدر عرفان صديقي، جنرل سيڪريٽري نديم کوکر، جوائنٽ سيڪريٽري شيخ خضر، جوائنٽ سيڪريٽري جهانگير جيمز، آفيس سيڪريٽري سلمان اقبال، ميمبرَ دانش قريشي، انيس عباسي، ڊاڪٽر نصير، راجه ڪامران، محمد منير، محمد علي، راڻا ڪليم ۽ ذوالفقار علي شامل آهن.ان کان علاوه شبير احمد قائم خاني ڪي ڪي ايف جي تحت سلائي ڪڙهائي سينٽر جو افتتاح به ڪيو.