ڊاڪٽر عاصم حسين جي والده محترمه اعجاز فاطمه جو ايم ڪيو ايم جي قائد جناب الطاف حسين کي سلام ۽ دعائن سان گڏ پيغام.
ايم ڪيو ايم جي قائد جناب الطاف حسين جو به ڊاڪٽر عاصم حسين جي والده سان دلي همدردي جو اظهار.
مان ڊاڪٽر عاصم حسين کي لنڊن ۾ قيام جي دوران اهو مشورو ڏنو هو ته اهي پاڪستان نه وڃن.قائد تحريڪ جناب الطاف حسين.
لنڊن: 19 جنوري 2016
سابق وفاقي وزير ۽ ضياء الدين اسپتال ۽ مختلف يونيورسٽين جي سربراھ ڊاڪٽر عاصم حسين جي والده محترمه اعجاز فاطمه ايم ڪيو ايم جي قائد جناب الطاف حسين کي سلام ۽ دعائن سان گڏ هڪ پيغام موڪليو آهي، جنهن جي جواب ۾ جناب الطاف حسين به ڊاڪٽر عاصم حسين جي والده محترمه جي خدمت ۾ سلام عرض ڪندي انهن جي وڏي عمر جي لاءِ دعا ڪئي آهي. جناب الطاف حسين ڊاڪٽر عاصم حسين جي والده سان دلي همدردي جو اظهار ڪندي فرمايو ته ڊاڪٽر عاصم حسين جيڪي به تڪليفون برداشت ڪري رهيا آهن الله تعالٰي اهي ڏسي رهيو آهي. انهن فرمايو ته مان ڊاڪٽر عاصم حسين کي لنڊن ۾ قيام جي دوران اهو مشورو ڏنو هو ته اهي
پاڪستان نه وڃن پر انهن منهنجي مشوري کي رڌ ڪري ڇڏيو هو. جناب الطاف حسين پاڪستان جي عوام خصوصن ايم ڪيو ايم جي ذميوارن ۽ ڪارڪنن کي چيو ته اهي ڊاڪٽر عاصم حسين جي جيڪا به آئيني، قانوني ۽ اخلاقي مدد ڪري سگهن اها ضرور ڪن. انهن ڊاڪٽر عاصم حسين کي به مشورو ڏنو ته اهي به الله تعالٰي جي مدد جي لاءِ دعا ڪن ۽ ڪثرت سان استغفار ڪن. الله تعالٰي بهتر انصاف ڪرڻ وارو آهي. انهن اها به دعا ڪئي ته الله تعالٰي ڊاڪٽر عاصم حسين جي والده محترمه اعجاز فاطمه جي ڇانوَ اسان جي مٿان سلامت رکي.آمين.