عالمي منڊي ۾ پيٽرول جي قيمتن ۾ ڪمي جي باوجود پاڪستان ۾ پيٽرول جي قيمتن ۾ ڪمي نه ٿيڻ افسوسناڪ ڳالھھ آهي. ڊاڪٽر فاروق ستار.
ڪراچي: 18 جنوري 2016
متحده قومي موومينٽ جي رابطا ڪميٽي جي سينيئر ڊپٽي ڪنوينر ڊاڪٽر فاروق ستار چيو آهي ته عالمي منڊي ۾ پيٽرول جي قيمتن ۾ ڪمي جي باوجود پاڪستان ۾ پيٽرول جي قيمتن ۾ ڪمي نه ٿيڻ افسوسناڪ ڳالھھ آهي. پنهنجي هڪ بيان ۾ انهن چيو ته عالمي منڊي ۾ پيٽرول جي قيمتن ۾ ڪمي سان سڄي دنيا جي ملڪن ۾ به پيٽرول جي اگهن ۾ ڪمي ڪئي وئي آهي. پر اها ڳالھھ افسوسناڪ آهي ته پاڪستان ۾ هن مهل تائين پيٽرول جي قيمتن ۾ ڪائي به ڪمي نه ڪئي وئي آهي ۽ عوام نه صرف وڌيڪ اگهن تي پيٽرول ۽ ڊيزل خريد ڪرڻ تي مجبور آهن پر بجلي جا اگهھ به وڌيا آهن. انهن وڌيڪ چيو ته جڏهن به عالمي منڊي ۾ پيٽرول جي قيمتن ۾ اضافو ٿئي ٿو ته پاڪستان ۾ آئل اينڊ گيس ريگوليٽري اٿارٽي جي طرفان فوري طور تي قيمتن ۾ اضافو ڪيو وڃي ٿو. پر جڏهن ته عالمي سطح تي قيمتن ۾ ڪمي ٿئي ٿي ته اوگرا جي طرفان پيٽرول جي قيمتن ۾ ڪمي نه ٿي ڪئي وڃي ۽ عوام کي ڪوئي به رليف نه ٿو ڏنو وڃي ۽ عوام مهانگائي جي بار هيٺان دٻيل رهن ٿا. ڊاڪٽر فاروق ستار حڪومت کان مطالبو ڪيو ته پيٽرول جي قيمتن ۾ فوري طور تي ڪمي ڪئي وڃي ۽ عوام کي رليف فراهم ڪيو وڃي.
*****