ميئر ۽ ڊپٽي ميئر جي اليڪشن جي لاءِ سنڌ ۽ پنجاب جي صوبائي حڪومتن جي طرفان کليل ووٽنگ ڪرائڻ جي فيصلي جون اطلاعون اليڪشن جي عمل تي اثرانداز ٿيڻ جي مذموم ڪوشش آهي. ايم ڪيو ايم رابطا ڪميٽي.
ڪراچي:18 جنوري 2016
متحده قومي موومينٽ جي رابطا ڪميٽي مڪاني اليڪشن جي قيام جي لاءِ ميئر ۽ ڊپٽي ميئر جي اليڪشن ۾ سنڌ ۽ پنجاب جي صوبائي حڪومتن جي طرفان کليل ووٽنگ ڪرائڻ جي فيصلي جي اطلاعن کي اليڪشن جي عمل تي اثر انداز ٿيڻ جي مذموم ڪوشش قرار ڏنو آهي ۽ چيف اليڪشن ڪمشنر آف پاڪستان سردار رضا خان کان مطالبو ڪيو آهي ته اهي سنڌ ۽ پنجاب جي حڪومتن جي طرفان مڪاني ميمبرن تي دٻاءُ ۽ انهن کي خوفزده ڪرڻ جو فوري طور تي نوٽس وٺن. پنهنجي هڪ بيان ۾ رابطا ڪميٽي چيو ته سنڌ ۽ پنجاب جون صوبائي حڪومتون نون چونڊيل نمائندن تي دٻاءُ وجهي رهيون آهن ته جيڪڏهن توهان اسان جي اميدوارن جي حمايت نه ڪئي ته توهان جو انجام سٺو نه ٿيندو ۽ ان جي ڪري ئي مڪاني نمائندن ۾ وڏي ڳڻتي پاتي وڃي ٿي. رابطا ڪميٽي چيو ته حڪومتي حلقن جي طرفان ضلعي چيئرمينن ۽ وائيس چيئرمينن جي اليڪشن ۾ پوليس جي استعمال جون خبرون به اڳ ۾ ئي گردش ڪري رهيون آهن ۽ ميئر ۽ ڊپٽي ميئر جي اليڪشن ۾ کلي عام ووٽ ڏيڻ جي اطلاعن سان سنڌ ۽ پنجاب جي عوام ۾ به وڏي ڳڻتي پاتي وڃي ٿي.
*****