ڪراچي سميت سڄي ملڪ ۾ مڪاني اليڪشن کان پوءِ بلدياتي ادارن جي جوڙجڪ کي فوري طور تي مڪمل ڪري نمائندن کي عوامي خدمت جي لاءِ ڀرپور اختيار ڏنا وڃن.ايم ڪيو ايم جو قائم مقام ڪنوينر نديم نصرت.
لنڊن: 18 جنوري 2016
متحده قومي موومينٽ جي قائم مقام ڪنوينر نديم نصرت چيو آهي ته جيڪڏهن پاڪستان کي دنيا جي ترقي يافته ملڪن ۾ شامل ڪرڻو آهي ته اسان کي انهن ترقي يافته ملڪن ۾ رائج مڪاني نظام کي به اختيار ڪرڻو پوندو. اها ڳالھھ انهن ايم ڪيو ايم اوورسيز ڊنمارڪ يونٽ جي تنظيم نو جي موقعي تي خطاب ڪندي ڪئي. نديم نصرت چيو ته پاڪستان خصوصن ڪراچي ۾ مڪاني ادارن کي جيستائين بااختيار نه بڻايو ويندو ته ان وقت تائين ملڪ ترقي نه ڪري سگهندو. انهن چيو ته مڪاني اليڪشن جي عمل کي شروع ٿئي ڪجھھ مهينا گذري ويا آهن پر ان جي باوجود به اهو سرخ ڦيتي جو شڪار آهي ۽ هن مهل تائين مڪمل نه ٿي سگهيو آهي. انهن چيو ته مڪاني اليڪشن جي تڪميل ۽ اختيارن جي منتقلي ۾ دير بدنيتي جو هڪ واضع ثبوت آهي. انهن مطالبو ڪيو ته ڪراچي سميت سڄي ملڪ ۾ مڪاني اليڪشن کان پوءِ مڪاني ادارن جي جوڙجڪ کي فوري طور تي مڪمل ڪري نمائندن کي عوامي خدمتن جي لاءِ ڀرپور اختيار ڏنا وڃن. آخر ۾ نديم نصرت ايم ڪيو ايم اووسيز ڊنمارڪ يونٽ جو باضابطه اعلان ڪندي سعد احمد کي يونٽ آرگنائيزر مقرر ڪيو ۽ انهن جي معاونت جي لاءِ ٽي رڪني ڪميٽي به قائم ڪئي ،ڪميٽي جا نالا هي آهن، احسن صديقي، محمد توصيف ۽ شيخ سليم .
*****