ڪراچي ۽ اسلام آباد سميت ملڪ جي مختلف شهرن ۾ داعش جون ڪاروائيون پاڪستان ۾ داعش جي وجود کان انڪار ڪرڻ وارن جي منھھ تي چماٽ آهي.ايم ڪيو ايم سانگهڙ ۽ ٽنڊو الهيار زونَ
ڪراچي: 16 جنوري 2016
متحده قومي موومينٽ سانگهڙ ۽ ٽنڊو الهيار زونن جي انچارجن ۽ ميمبرن چيو آهي ته اسلام آباد ۽ ڪراچي سميت ملڪ جي مختلف شهرن ۾ داعش جون ڪاروائيون پاڪستان ۾ داعش جي وجود کان انڪار ڪرڻ وارن جي منھھ تي چماٽ آهي. پنهنجي هڪ گڏيل بيان ۾ انهن چيو ته قائد تحريڪ جناب الطاف حسين اهي واحد ليڊر آهن جن پاڪستان ۾ داعش جي وڌندڙ خطرن کي ڀائيندي هڪ هنگامي پريس ڪانفرنس جي ذريعي پوري قوم ۽ حڪمرانن کي ان کان آگاھ ڪيو هو. پر حڪمرانن قائد تحريڪ جناب الطاف حسين جي ڳالهين کي سنجيدگي سان نه ورتو ۽ اڄ داعش سڄي ملڪ ۾ ڦيلجي وئي آهي ۽ پنهنجيون ڪاروائيون ڪري رهي آهي . انهن وڌيڪ چيو ته جناب الطاف حسين هميشه ملڪ جي سلامتي کي مقدم رکيو آهي ۽ انهي جي ڪري حڪمرانن ۽ قوم کي اڳ ۾ ئي خطرن کان آگاھ ڪندا رهيا آهن. پر بد قسمتي سان جناب الطاف حسين جي ڳالهين تي ڪنهن به ڪن نه ڌريو ۽ ان جو نتيجو اڄ پورو ملڪ ڀوڳي رهيو آهي. انهن اهو به مطالبو ڪيو ته جناب الطاف حسين جي خطابن ۽ تصويرن تان فوري طور تي پابندي ختم ڪئي وڃي.