ايم ڪيو ايم جي قائد جناب الطاف حسين جو اي آر وائي اسلام آباد جي آفيس فون، نيوز ايڊيٽر رضوان عالم سان فون تي ڳالھھ ٻولھھ.

لنڊن: 13 جنوري 2016 

                 متحده قومي موومينٽ جي قائد جناب الطاف حسين اسلام آباد ۾ اي آر وائي جي آفيس فون ڪري اتي اي آر وائي اسلام آباد جي نيوز ايڊيٽر رضوان عالم سان ڳالھھ ٻولھھ ڪئي ۽ دهشت گردي جي واقعي تي دلي افسوس ۽ همدردي جو اظهار به ڪيو. جناب الطاف حسين داعش جي هٿيار بند دهشت گردن جي طرفان دستي بم حملي ۽ فائرنگ سان زخمي ٿيندڙ ڪارڪن جي صحتيابي جي لاءِ دعا به ڪئي. ان موقعي تي ڳالھھ ٻولھھ ڪندي جناب الطاف حسين فرمايو ته مان رڙيون ڪري ڪري طالبان ۽ داعش جي باري ۾ ٻڌائيندو رهيس پر حڪومت جي طرفان ان کان لڳاتار انڪار ڪيو ويندو رهيو. انهن فرمايو ته پاڪستان ۾ داعش جي وجود کان انڪار ڪبوتر وانگر اکيون بند ڪري وٺڻ ۽ اٺ پکي وانگر واري ۾ منھھ لڪائڻ جي برابر آهي. جيڪڏهن اسان ان انڪار جي حالت کان ٻاهر نه نڪتاسين ۽ پنهنجو غير ذميوارانه رويو تبديل نه ڪيو ۽ مذهبي انتها پسندي جي سڌي ريت يا اڻ سڌي ريت حمايت ڪندا رهياسين ته پوءِ داعش ۽ ٻين مذهبي انتها پسند عناصر جي هٿان نه صرف اسان جي جان و مال کي نقصان پهچندو رهندو بلڪه خدانخواسته اهي عناصر ملڪ کي به هن ڌرتي تان مٽائي نه ڇڏين. انهن فرمايو ته مان دعا ڪري رهيو آهيان ته الله تعالٰي انهن دهشت گردن کان پاڪستان جي  ڪنڊ ڪنڊ کي محفوظ رکي. جناب الطاف حسين فرمايو ته مان اي آر وائي جي هڪ هڪ ڪارڪن سان دلي همدردي جو اظهار ڪريان ٿو ۽ انهن جي لاءِ دعا ڪريان ٿو ته الله تعالٰي اي آر وائي جي سمورن صحافين، ڪيميره مينن ۽ سڄي اسٽاف کي پنهنجي حفاظت ۾ رکي. انهن اي آر وائي اسلام آباد جي نيوز ايڊيٽر رضوان عالم کي چيو ته اهي اي آر وائي جي مالڪن سلمان اقبال ۽ حاجي اقبال تائين به منهنجو اهو پيغام پهچائين ته اسان ڏک جي ان گهڙي ۾ انهن سان گڏ آهيون ۽ ان موقعي تي اي آر وائي سان هر طرح جو غير مشروط تعاون ڪرڻ جي لاءِ به تيار آهيون. 

*****