ڪوئيٽا جي علائقي سيٽلائيٽ ٽائون ۾ بم ڌماڪي تي ايم ڪيو ايم جي رابطا ڪميٽي جي طرفان مذمت جو اظهار.
ڪراچي: 13 جنوري 2016
متحده قومي موومينٽ جي رابطا ڪميٽي ڪوئيٽا جي علائقي سيٽلائيٽ ٽائون ۾ حفاظتي ٽڪن جي مرڪز جي سامهون بم ڌماڪي جي سخت ترين لفظن ۾ مذمت ڪئي آهي ۽ بم ڌماڪي جي نتيجي ۾ ايف سي ۽ پوليس اهلڪارن سميت ڪيترن ئي ماڻهن جي هلاڪ ۽ زخمي ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ بيان ۾ رابطا ڪميٽي چيو ته دهشت گرد بم ڌماڪن ۽ دهشت گردي جي ذريعي پنهنجن مذموم مقصدن جي تڪميل جي لاءِ سرگرم آهن ۽ معصوم ۽ بي گناھ ماڻهن جي زندگين سان کيڏي رهيا آهن. جنهن جي جيتري به مذمت ڪئي وڃي اها گهٽ آهي. رابطا ڪميٽي بم ڌماڪي ۾ اهلڪارن ۽ ٻين جي هلاڪت تي وڏي ڏک ۽ افسوس جو اظهار ڪندي انهن جي پونئرن کي صبر جي تلقين ڪئي ۽ دعا ڪئي ته الله تعالٰي مرحومن کي جنت الفردوس ۾ اعلٰي مقام عطا فرمائي ۽ زخمين کي جلد و مڪمل صحتيابي عطا فرمائي. آمين. ان کان علاوه رابطا ڪميٽي وزير اعظم ميان نواز شريف ۽ وزير اعلٰي بلوچستان کان مطالبو ڪيو ته اهي ان بم ڌماڪي ۾ ملوث دهشت گردن کي فوري طور تي گرفتار ڪرائين ۽ ان ۾ مدد فراهم ڪندڙ عناصر جي خلاف به ڪاروائي ڪرائين.
*****