ايم ڪيو ايم جي سينيئر ڊپٽي ڪنوينر ڊاڪٽر فاروق ستار جي دهشت گردن جي طرفان اسلام آباد ۾ هڪ ٽي وي چينل جي آفيس تي دستي بم حملي ۽ فائرنگ ڪرڻ جي مذمت.
ميڊيا جي رپورٽن جي مطابق ان حملي جي ذميواري داعش افغانستان قبول ڪئي آهي. ڊاڪٽر فاروق ستار.
ڪراچي: 13 جنوري 2016
متحده قومي موومينٽ جي رابطا ڪميٽي جي سينيئر ڊپٽي ڪنوينر ۽ قومي اسيمبلي ۾ ايم ڪيو ايم جي پارليماني ليڊر ڊاڪٽر فاروق ستار دهشت گردن جي طرفان اسلام آباد ۾ هڪ ٽي وي چينل جي آفيس تي دستي بم حملي جي مذمت ڪندي ان واقعي کي آزادي صحافت تي حملو قرار ڏنو آهي. پنهنجي هڪ مذمتي بيان ۾ انهن چيو ته ميڊيا جي رپورٽن جي مطابق ان حملي جي ذميواري انتها پسند تنظيم داعش افغانستان قبول ڪئي آهي. انهن چيو ته ايم ڪيو ايم آزادي صحافت جي عملبردار آهي ۽ ان ڏکئي وقت ۾ صحافي برادري سان ڪلهو ڪلهي ۾ ملائي ڪري گڏ آهي. انهن چيو ته اسلام آباد ۾ داعش جي سرگرمين سان سڄي ملڪ جي ماڻهن ۾ ڳڻتي جي لهر ڇائنجي وئي آهي ۽ ان ڪاروائي سان اهو سوال پيدا ٿيو آهي ته جڏهن ملڪ جي گادي جي هنڌ ۾ داعش دهشت گردي ڪري سگهي ٿي ته ملڪ جي ٻين حصن ۾ ان جو نيٽ ورڪ ڪيترو نه مضبوط هوندو. انهن وزير اعظم ميان نواز شريف ۽ آرمي چيف جنرل راحيل شريف کان مطالبو ڪيو ته اهي اسلام آباد ۾ ٽي وي چينل تي داعش جي حملي جو فوري طور تي نوٽس وٺن ۽ اسلام آباد سميت ملڪ جي ٻين حصن ۾ داعش جي وڌندڙ سرگرمين جي روڪٿام جي لاءِ فوري طور تي قدم کڻڻ.
*****