ايم ڪيو ايم رابطا ڪميٽي جي طرفان نابينا ماڻهن تي تشدد ڪرڻ جي سخت مذمت.
نابينا ماڻهن تي تشدد جي اطلاعن سان قائد تحريڪ جناب الطاف حسين کي وڏو ڏک پهتو آهي.رابطا ڪميٽي.
لنڊن: 12 جنوري 2016
متحده قومي موومينٽ جي رابطا ڪميٽي پنجاب حڪومت کان مطالبو ڪيو آهي ته اها نابينا ماڻهن جي جائز مطالبن تي فوري طور تي توجه ڏي. پنهنجي هڪ بيان ۾ رابطا ڪميٽي چيو ته نابينا ماڻهن تي ڪيل تشدد جي اطلاعن سان قائد تحريڪ جناب الطاف حسين کي وڏو ڏک پهتو آهي ۽ انهن ايم ڪيو ايم پنجاب جي عهديدارن کي هدايت ڪئي آهي ته اهي مظاهرو ڪندڙ نابينا ماڻهن سان ملاقات ڪن ۽ انهن کي ان ڳالھھ کان آگاھ ڪن ته ايم ڪيو ايم انهن جي جائز مطالبن جي حمايت ڪري ٿي ۽ انهن مطالبن کي لاڳاپيل فورمن تي به اٿاريندي. رابطا ڪميٽي مظاهرين تي تشدد جي اطلاعن جي سخت ترين لفظن ۾ مذمت ڪندي پنجاب حڪومت کان مطالبو ڪيو ته اها نابينا ماڻهن جي جائز مطالبن تي فوري طور تي توجه ڏي.
*****