ڪراچي ۾ٽريفڪ پوليس ۽ ان جي پرائيويٽ ڪنٽريڪٽر جي طرفان شهرين تي تشدد جي واقعن تي سنڌ اسيمبلي جي حق پرست اسيمبلي ميمرن جي طرفان سخت مذمت جو اظهار

ڪراچي: 11 جنوري 2016 

سنڌ اسيمبلي جي حق پرست اسيمبلي ميمبرن ڪراچي ۾ ٽريفڪ پوليس ۽ ان جي پرائيويٽ ڪنٽريڪٽر جي طرفان شهرين تي تشدد جي واقعن جي سخت ترين لفظن ۾ مذمت ڪندي چيو آهي ته تشدد جا واقعا ٽريفڪ پوليس ۽ ان جي پرائيويٽ ڪنٽريڪٽر جي کليل غنڊه گردي آهن. پنهنجي هڪ گڏيل بيان ۾ انهن چيو ته ڪراچي جي اندر هڪ ڏينهن ۾ شهرين تي ٽريفڪ پوليس ۽ ان جي پرائيويٽ ڪنٽريڪٽر جي طرفان تشدد جي واقعن ٿيڻ مان واضع ٿي چڪو آهي ته ٽريفڪ پوليس ۽ ان جو پرائيويٽ ڪنٽريڪٽر پنهنجن فرضن جي ادائگي، شهرين سان سٺو ورتاءُ ڪرڻ ۽ انهن سان قانوني طريقي سان نڀرڻ جي بجاءِ غير اخلاقي طريقي سان پيش اچي رهيا آهن. جنهن جي ڪري شهرين ۾ وڏي ڪاوڙ پاتي وڃي ٿي. انهن وزير اعلٰي سنڌ سيد قائم علي شاھ کان مطالبو ڪيو ته ڪراچي ۾ ٽريفڪ پوليس ۽ پرائيويٽ ڪنٽريڪٽر جي طرفان شهرين تي بغير ڪنهن سبب جي تشدد جي واقعن جو سختي سان نوٽس ورتو وڃي ۽ ان ۾ ملوث اهلڪارن جي خلاف سخت ڪاروائي ڪئي وڃي ۽ ٽريفڪ پوليس ۽ پرائيويٽ ڪنٽريڪٽر کي پنهنجن فرضن ۾ غفلت نه ڪرڻ جو پابند ڪيو وڃي.