پي آئي اي ايسوسي ايشن جي صدر صفدر انجم جو حق پرست سينيٽر محترمه نسرين جليل سان ٽيليفون تي رابطو.
ڪراچي: پهرين جنوري 2016
پي آئي اي ايسوسي ايشن جي صدر صفدر انجم ايم ڪيو ايم جي رابطا ڪميٽي جي ڊپٽي ڪنوينر ۽ انساني حقوق ڪميشن جي چيئر پرسن سينيٽر محترمه نسرين جليل سان ٽيليفون تي رابطو ڪيو ۽ پي آئي اي جي نجڪاري جي حوالي سان صدارتي آرڊيننس جي خلاف سينيٽ ۾ اصولي موقف اختيار ڪرڻ تي انهن جو دلي شڪريو ادا ڪيو. صفدر انجم محترمه نسرين جليل سان ڳالھھ ٻولھھ ڪندي چيو ته پي آئي اي جي نجڪاري جي حوالي سان صدارتي آرڊيننس تي پي آئي اي جي ملازمن ۾ وڏي ڳڻتي پاتي وڃي پئي ۽ ايم ڪيو ايم سينيٽ ۾نجڪاري جي خلاف آواز بلند ڪري پي آئي اي ايسوسي ايشن ۽ ملازمن سان يڪجهتي جو اظهار ڪيو آهي. جنهن تي اسان ايم ڪيو ايم جي قائد جناب الطاف حسين جا وڏا ٿورائتا آهيون. ان موقعي تي محترمه نسرين جليل چيو ته ايم ڪيو ايم ادارن جي نجڪاري جي خلاف نه آهي. پر اها چاهي ٿي ته نجڪاري جي عمل ۾ ملازمن جي نوڪرين ۽ مفادن کي به تحفظ فراهم ڪيو وڃي ۽ نجڪاري جو عمل شفاف طريقي سان ڪيو وڃي. انهن وڌيڪ چيو ته نجڪاري جي عمل ۾ شفافيت نه هوندي ته ان جا اثر منفي پوندا. ان جي ڪري نجڪاري جي عمل کي شفاف بڻائڻ جي لاءِ هر سطح تي مثبت قدم کڻڻ جي ضرورت آهي.