بلوچستان نيشنل پارٽي جي سينٽرل ايگزيڪٽو ڪميٽي جي ميمبر ۽ سابق ميمبر قومي اسيمبلي مير عبدالرئوف مينگل جي سربراهي ۾ وفد جي ايم ڪيو ايم جي رابطا ڪميٽي جي سينيئر ڊپٽي ڪنوينر عامر خان سان نائن زيرو تي ملاقات.

ڪراچي: 29 ڊسمبر 2015 

                   بلوچستان نيشنل پارٽي جي سينٽرل ايگزيڪٽو ڪميٽي جي ميمبر ۽ سابق ميمبر قومي اسيمبلي مير عبدالرئوف مينگل جي سربراهي ۾ هڪ وفد نائن زيرو تي ايم ڪيو ايم جي سينيئر ڊپٽي ڪنوينر عامر خان سان ملاقات ڪئي ۽ انهن کي بلوچستان نيشنل پارٽي جي زير اهتمام اسلام آباد ۾ ٿيندڙ آل پارٽيز ڪانفرنس ۾ شرڪت جي دعوت ڏني. وفد ۾ مير اڪبر مينگل سميت ٻيا عهديدار به شامل هئا. جڏهن ته ان موقعي تي رابطا ڪميٽي جو ميمبر گلفراز خان خٽڪ ۽ سي اي سي ميمبر حيدرعباس رضوي به موجود هئا. ملاقات ۾ ڪاشغر روڊ، گوادر جي ترقي، بلوچستان جي سياسي جماعتن جي تحفظن ۽ بلوچستان جي عوام جي مسئلن سميت ملڪي مسئلن تي به تفصيلي خيالن جي ڏي وٺ ڪئي وئي. ان موقعي تي عامر خان ڳالھھ ٻولھھ ڪندي چيو ته قائد تحريڪ جناب الطاف حسين هميشه بلوچستان جي غيرت مند عوام جي حقن جي لاءِ آواز بلند ڪئي آهي ۽ هن وقت به جناب الطاف حسين بلوچستان جي عوام جي بنيادي حقن جو تحفظ چاهين ٿا. عامر خان بلوچستان نيشنل پارٽي جي طرفان اسلام آباد ۾ منعقد ٿيندڙ ڪانفرنس ۾ شرڪت جي دعوت کي قبول ڪندي ان ۾ شرڪت جي خاطري به ڪرائي.