معروف نعت خوان الحاج صديق اسماعيل جي طرفان قومي اسيمبلي ۾ تلاوت ڪلام پاڪ کان پوءِ نعت مبارڪ پڙهڻ جي ايم ڪيو ايم جي اسيمبلي جي ميمبرن جي طرفان پيش ڪيل قرارداد منظور ٿيڻ تي خوشي جو اظهار.
ڪراچي: 27 ڊسمبر 2015
معروف نعت خوان الحاج صديق اسماعيل قومي اسيمبلي ۾ تلاوت ڪلام پاڪ کان پوءِ نعت مبارڪ پڙهڻ جي ايم ڪيو ايم جي اسيمبلي ميمبرن جي طرفان پيش ڪيل قرارداد منظور ٿيڻ تي وڏي خوشي جو اظهار ڪيو آهي ۽ چيو آهي ته اهو اعزاز به ايم ڪيو ايم جي ئي حصي ۾ آيو آهي. اها ڳالھھ انهن جناح گرائونڊ ۾ محفل ذڪر مصطفٰي صلي الله عليه وسلم جي موقعي تي خيالن جو اظهار ڪندي ڪئي. الحاج صديق اسماعيل جناب الطاف حسين کي مبارڪ محفل جي انعقاد تي مبارڪباد ڏيندي دعا ڪئي ته الله تعالٰي ان محفل ۾ اچڻ، پڙهڻ ۽ ٻڌڻ قبول فرمائي.انهن چيو ته مان ايم ڪيو ايم جي قومي اسيمبلي جي ميمبرن کي درخواست ڪئي هئي ته قومي اسيمبلي ۾ اجلاس شروع ٿيڻ کان پهرين تلاوت ڪلام پاڪ کان پوءِ نعت مبارڪ نه ٿي پڙهي وڃي ان تي ايم ڪيو ايم جي اسيمبلي ميمبرن پارليامينٽ ۾ قرارداد پيش ڪئي ۽ اها منظور ٿي وئي آهي.
*****