ايم ڪيو ايم هميشه غريب ۽ وچولي طبقي کي ايوانن ۾ موڪليو آهي. عبدالحسيب.
ٽنڊو الهيار ۾ ڪارنر ميٽنگن کي خطاب.
ٽنڊو الهيار: 27 ڊسمبر 2015
ايم ڪيو ايم هميشه غريب ۽ وچولي طبقي کي ملڪ جي اعلٰي ايوانن ۾ موڪليو آهي. انهن خيالن جو اظهار رابطا ڪميٽي ميمبر عبدالحسيب ٽنڊو الهيار ۾ ڪارنر ميٽگن کي خطاب ڪندي ڪيو. ان موقعي تي رابطا ڪميٽي ميمبر اقبال مقدم به موجود هئا. عبدالحسيب چيو ته 30 ڊسمبر جو سج ايم ڪيو ايم جي فتح جو پيغام آڻيندو. انهن چيو ته ايم ڪيو ايم اقتدار ۾ هجي يا اقتدار کان ٻاهر هجي پر اها عوام جا مسئلا حل ڪرڻ جي لاءِ هميشه ڪوشان رهي ٿي. انهن چيو ته ڪراچي، حيدرآباد ۽ ميرپورخاص وانگر ٽنڊو الهيار ۾ به چيئرمين ته ايم ڪيو ايم جو ئي اچڻ گهرجي. ان موقعي تي خطاب ڪندي رابطا ڪميٽي ميمبر اقبال مقدم چيو ته ماضي ۾ حق پرست نمائندن تمام گهڻا ترقياتي ڪم ڪرايا. جنهن جي ڪري ٽنڊو الهيار خوبصورت شهرن ۾ شمار ٿيڻ لڳو آهي. انهن چيو ته عوام 30 ڊسمبر تي حق پرست اميدوارن کي ووٽ ڏيئي ڪري ڪامياب ڪرائين. ان موقعي تي ٻين به خطاب ڪيو.
*****