اسان جا ٻچا ٽنڊو الهيار کي دنيا جي نقشي تي چمڪائيندا ۽ انشاء الله تعالٰي سنڌ جو ايندڙ وزير اعلٰي ايم ڪيو ايم جو هوندو.
ڊاڪٽر فاروق جو ٽنڊو الهيار ۾ ڪارنر ميٽنگ کي خطاب.
ٽنڊوالهيار: 28 ڊسمبر 2015
ايم ڪيو ايم جي رابطا ڪميٽي جي سينيئر ڊپٽي ڪنوينر ڊاڪٽر فاروق ستار چيو آهي ته مخالفن جون ضمانتون اهڙيون ضبط ٿينديون جو آئنده انهن کي ٽڪيٽ ئي نه ملندا.انهن خيالن جو اظهار انهن ٽنڊو الهيار ۾ هڪ ڪارنر ميٽنگ کي خطاب ڪندي ڪيو. ان موقعي تي سنڌ تنظيمي ڪميٽي جا ميمبر نبيل احمد خان، شيراز مسعود، اسيمبلي ميمبر محترمه رعنا انصار، دلاور قريشي ۽ قائم مقام زونل انچارج عبدالرحمٰن ايڊووڪيٽ به موجود هئا. ڊاڪٽر فاروق ستار چيو ته اسان جا ٻچا ٽنڊو الهيار کي دنيا جي نقشي تي چمڪائيندا ۽ انشاء الله تعالٰي ايندڙ وزير اعلٰي سنڌ ايم ڪيو ايم جو هوندو. انهن وڌيڪ چيو ته سنڌ ۾ اسان جو وزير اعلٰي بڻايو وڃي ته اسان 6 مهينن ۾ ئي سنڌ جو نقشو تبديل ڪري ڇڏينداسين. انهن چيو ته جيڪي اختيار مشرف دور ۾ هئا. اهي هاڻي نه آهن جنهن جي لاءِ اسان هر فورم تي آواز اٿارينداسين ۽ عدالت جو دروازو به کڙڪائينداسين ۽ جيڪڏهن اتي به انصاف نه مليو ته عوام سان گڏجي ڪري ڀرپور تحريڪ هلائينداسين. ان موقعي تي ٻين به خطاب ڪيو. ان کان اڳ انجمن تاجران ٽنڊو الهيار ۽ واپاري اتحاد جي طرفان ڊاڪٽر فاروق ستار جي اعزاز ۾ استقباليه به ڏنو ويو. جنهن کي خطاب ڪندي فاروق ستار چيو ته وڏيراڻه ۽ جاگيرداراڻه سوچ سنڌ کي تباھ ڪري ڇڏيو آهي.ان موقعي تي واپارين حق پرست اميدوارن جي مڪمل حمايت جو اعلان به ڪيو.