پوري دنيا جي مسلمانن کي نبي پاڪ صلي الله عليه وسلم جي يوم ولادت جي موقعي تي قائد تحريڪ جناب الطاف حسين جي طرفان مبارڪباد پيش

لنڊن: 23 ڊسمبر 2015 

متحده قومي موومينٽ جي قائد جناب الطاف حسين سڄي دنيا جي مسلمانن کي خاتم الانبياء حضرت محمد صلي الله عليه وسلم جي يوم ولادت جي دلي مبارڪباد پيش ڪئي آهي. عيد ميلاد النبي صلي الله عليه وسلم جي موقعي تي پنهنجي هڪ بيان ۾ جناب الطاف حسين فرمايو ته ربيع الاول جو مهينو مبارڪ ۽ مقدس مهينو آهي. جنهن ۾ نبي پاڪ صلي الله عليه وسلم هن دنيا ۾ تشريف آندي هئي. انهن فرمايو ته الله تعالٰي جهالت جي اونڌاهين ۾ ٻڏل معاشري ۾  ايمان ۽ علم جي روشني ڦيلائڻ جي لاءِ نبي پاڪ صلي الله عليه وسلم کي هن دنيا ۾ موڪليو ۽ انهن کي صرف مسلمانن جي لاءِ ئي نه بلڪه پوري انسانيت ۽ سمورن جهانن جي لاءِ رحمت بڻائي ڪري موڪليو آهي. نبي پاڪ صلي الله عليه وسلم جو ڪردار  و عمل ۽ تعليمات صرف مسلمانن جي لاءِ ئي نه بلڪه پوري دنيا جي لاءِ مشعل راھ آهن. جناب الطاف حسين فرمايو ته نبي پاڪ صلي الله عليه وسلم سان محبت ۽ عقيدت جو تقاضا اهو آهي ته مذهبي رواداري، هم آهنگي ۽ انسانيت جي احترام کي فروغ ڏنو وڃي . هڪ ٻئي جي عقيدن جو احترام ڪيو وڃي ۽ دنيا کي امن جو گهوارو بڻائڻ جي لاءِ عملي جدوجهد ڪئي وڃي. جناب الطاف حسين سمورن مڪاتب فڪر جي عالمن سڳورن کي اپيل ڪئي ته اهي پنهنجن خطبن ۾ نبي پاڪ صلي الله عليه وسلم جي سيرت مبارڪ تي روشني وجهڻ سان گڏو گڏ پاڻ ۾ اتحاد ۽ ڀائيچاري جو درس به ڏين. انهن دعا ڪئي ته الله تعالٰي اسان کي نبي پاڪ صلي الله عليه وسلم جي تعليمات تي عمل ڪرڻ جي توفيق عطا فرمائي.آمين.