سنڌ ۾ مڪاني اليڪشن جي ملتوي ٿيل سيٽن تي به حق پرست اميدوارن ڪاميابي حاصل ڪري ورتي
ڪراچي: 17 ڊسمبر 2015
مڪاني اليڪشن جي ملتوي ٿيل سيٽن تي به ايم ڪيو ايم جي نامزد حق پرست اميدوارن وڏي اڪثريت سان ڪاميابي حاصل ڪري ورتي آهي. تفصيلات جي مطابق سنڌ ۾ ڪجھھ ملتوي ٿيل سيٽن تي اليڪشن ٿيا جن ۾ يوسي 28، وارڊ نمبر 1 کان ايم ڪيو ايم جو جنرل ڪائونسلر 1280 ووٽ وٺي ڪري ڪامياب ٿيو، جڏهن ته انهن جي مقابلي ۾ جماعت اسلامي جي اميدوار فقط 15 ووٽ حاصل ڪيا.اهڙي طرح حيدر آباد ميونسپل ڪارپوريشن يوسي 8 کان ايم ڪيو ايم جا چيئرمين ۽ وائيس چيئرمين به 1990 ووٽ وٺي ڪري ڪامياب ٿيا ۽ ٽائون ڪميٽي هوسڙي حيدرآباد جي وارڊ نمبر 2 ۽ 4 ۾ به ايم ڪيو ايم جا اميدوار ڪامياب ٿيا آهن. جڏهن ته انهي وارڊ نمبر 5 کان به ايم ڪيو ايم جو حمايت يافته آزاد اميدوار 523 ووٽ وٺي ڪري ڪامياب ٿيو آهي. ان کان علاوه رابطا ڪميٽي حق پرست اميدوارن کي واضع اڪثريت سان ڪاميابي حاصل ڪرڻ تي دلي مبارڪباد پيش ڪئي آهي.