ايم ڪيو ايم جي زير اهتمام اوڀر پاڪستان سانحي، قصبه علي ڳڙھ سانحي ۽ آرمي پبلڪ اسڪول پشاور جي دردناڪ سانحي جي شهيدن جي ورسي نائن زيرو تي لال قلعه گرائونڊ سميت سڄي ملڪ ۾ انتهائي عقيدت ۽ احترام سان ملهائي وئي.

ڪراچي: 16 ڊسمبر 2015 

                  متحده قومي موومينٽ جي زير اهتمام نائن زيرو تي لال قلعه گرائونڊ سميت سڄي ملڪ ۾ اوڀر پاڪستان سانحي، قصبه علي ڳڙھ سانحي ۽ آرمي پبلڪ اسڪول سانحي جي شهيدن جي ورسي وڏي عقيدت ۽ احترام سان ملهائي وئي. ان سلسلي جو مرڪزي پروگرام نائن زيرو تي لال قلعه گرائونڊ عزيز آباد ۾ منعقد ٿيو. جنهن ۾ شهيدن جي ايصال و ثواب جي لاءِ قرآن خواني ۽ فاتحه خواني ڪئي وئي. ان اجتماع ۾ ايم ڪيو ايم جي رابطا ڪميٽي جو سينيئر ڊپٽي ڪنوينر عامر خان، ڊپٽي ڪنوينر شاهد پاشا، رابطا ڪميٽي ميمبرن، سي اي سي، حق پرست اسيمبلي ميمبرن، ڪراچي جي لاءِ نامزد ڪيل ڊپٽي ميئر ارشد وهره، حق پرست چيئرمينن ، ڪائونسلرن ۽ شعبن جي ذميوارن کان علاوه سيڪٽرن ۽ يونٽن جي ذميوارن، ڪارڪنن ۽ همدردن وڏي تعداد ۾ شرڪت ڪئي. ان موقعي تي رابطا ڪميٽي ميمبر عبدالحسيب شهيدن جي ايصال و ثواب جي لاءِ فاتحه خواني ڪرائي جنهن ۾ شهيدن جي بلند درجات، پونئرن جي لاءِ صبر جميل، جناب الطاف حسين جي والدين جي بلند درجات ، لاپتا ڪارڪنن جي بازيابي، اسير ڪارڪنن جي جلد آزادي،ايم ڪيو ايم جي خلاف سازشن جي خاتمي، حق پرستانه جدوجهد جي ڪاميابي، ملڪ جي سلامتي، امن و امان جي قيام۽ دهشت گردي جي خاتمي کان علاوه قائد تحريڪ جناب الطاف حسين جي وڏي عمر ۽ صحت و سلامتي جي لاءِ خصوصي دعائون ڪرايون. ان کان علاوه اندرون سنڌ، پنجاب، ڪي پي ڪي ، بلوچستان، گلگت بلتستان ۽ آزاد ڪشمير ۾ به قرآن خواني ۽ فاتحه خواني جا اجتماع منعقد ڪيا ويا. 

*****