اوڀر پاڪستان جي سانحي مان حڪمرانن کي سبق حا صل ڪري ماضي جي غلطين کي نه ورجائڻ جو عزم ڪرڻ گهرجي. قائد تحريڪ جناب الطاف حسين.
اوڀر پاڪستان سانحي جي سمورن شهيدن کي جناب الطاف حسين جي طرفان خراج عقيدت پيش.
لنڊن: 15 ڊسمبر 2015
متحده قومي موومينٽ جي قائد جناب الطاف حسين فرمايو آهي ته اوڀر پاڪستان سانحو ملڪ جي تاريخ جو هڪ ڪارو باب آهي ۽ ان سانحي مان پاڪستان جي حڪمرانن کي سابق حاصل ڪري ماضي جي غلطين کي نه ورجائڻ جو عزم ڪرڻ گهرجي. 16 ڊسمبر يومِ سقوط ڍاڪا جي موقعي تي پنهنجي هڪ بيان ۾ جناب الطاف حسين اوڀر پاڪستان سانحي جي سمورن شهيدن کي زبردست خراج عقيدت پيش ڪندي فرمايو ته 16 ڊسمبر 1971 تي پاڪستان جي ٽٽڻ جو سبب بنگالي عوام سان لڳاتار ناانصافيون ۽ زيادتيون هو. انهن فرمايو ته ان دردناڪ سانحي ۾ لکين بي گناھ ماڻهو هلاڪ ٿيا ۽ پاڪستان جي ڪم عقل وارن حڪمرانن جي ڪوتاهين جي ڪري اهو سانحو پيش آيو هو. انهن فرمايو ته اوڀر پاڪستان سانحي جا زخم اڄ به تازه آهن. ان جي ڪري باقي بچيل ملڪ جي مضبوطي ۽ سالميت جي لاءِ سمورين قومن جي احساس محرومي جو خاتمو ڪرڻ تمام ضروري آهي ۽ انهن کي بينادي حق به ڏنا وڃن. جناب الطاف حسين وڌيڪ فرمايو ته ملڪ جي مضبوطي ۽ سالميت جي لاءِ اڄ ملڪ اهو تقاضا ڪري رهيو آهي ته نوان صوبا بڻايا وڃن ۽ تعصب ۽ نفرتن جو خاتمو ڪيو وڃي ۽ ماضي جي غلطين جو ازالو ڪري ملڪ کي ترقي ۽ خوشحالي جي راھ تي وڌو وڃي.
*****