ايم ڪيو ايم حيدرآباد زون سيڪٽر ڊي جي ڪارڪن سيد مجتبٰي حسن جي دردناڪ شهادت تي ايم ڪيو ايم جي قائد جناب الطاف حسين جي طرفان مذمت جو اظهار.
لنڊن؛15 آڪٽوبر2014
متحده قومي موومينٽ جي قائد جناب الطاف حسين ايم ڪيو ايم حيدرآباد زون سيڪٽر ڊي جي ڪارڪن سيد مجتبٰي حسن جي دردناڪ شهادت جي سخت ترين لفظن ۾ مذت ڪئي آهي ۽ سيد مجتبٰي حسن جي ٻارن جي زخمي ٿيڻ تي وڏي ڳڻتي جو اظهار ڪندي سنڌ حڪومت کان مطالبو ڪيو آهي ته سيد مجتبٰي حسن کا فائرنگ ڪري شهيد ڪرڻ ۽ ان جي ٻارن کي زخمي ڪرڻ وارن وحشي دهشت گردن کي عبرتناڪ سزا ڏني وڃي. پنهنجي هڪ بيان ۾ جناب الطاف حسين شهيد جي تمام سوگوار پونئرن سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ فرمايو ته ڏک جي ان گهڙي ۾ مون سميت ايم ڪيو ايم جا تمام ڪارڪنَ اوهان جي ڏک ۾ برابر جا شريڪ آهن. جناب الطاف حسين دعا فرمائي ته الله تعالٰي شهيد کي پنهنجي جوار رحمت ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي. آمين.جناب الطاف حسين فائرنگ ۾ زخمي ٿيندڙ شهيد جي معصوم ٻارن جي جلد و مڪمل صحتيابي جي لاءِ نيڪ خواهشن جو اظهار به ڪيو.