فوج اورآئی ایس آئی نے چائناکے ساتھ ملکرکراچی کو وفاق کاحصہ بنانے کا منصوبہ بنایا ہے ۔الطاف حسین

متحدہ قومی موومنٹ کے بانی وقائدجناب الطاف حسین نے کہاہے کہ فوج اورآئی ایس آئی نے چائناکے ساتھ ملکرکراچی کو وفاق کاحصہ بنانے کامنصوبہ بنایاہے ۔ٹیوٹرپرجاری کئے گئے اپنے ایک بیان میں انہوںنے کہاکہ یہ بات سامنے آرہی ہے کہ فوج ،اسٹیبلشمنٹ اورآئی ایس آئی نے چائناکے ساتھ ملکر ایک مذموم منصوبہ بنایاہے جس کے تحت کراچی پرقبضہ کرکے اسے وفاقی دارالحکومت اسلام آباد کاحصہ بنایاجائے گاتاکہ کراچی کے تمام وسائل غصب کرلیئے جائیں۔ اس منصوبے کے تحت بارش کے بعد فوج کوصفائی کی ذمہ داری دینے کی آڑ میں کراچی کوفوج کے حوالے کیاجارہاہے ، دوسری جانب حکومتی وزراء بھی کھلے عام کراچی کووفاق کاحصہ بنانے کی باتیں کررہے ہیں جس سے کراچی کے بارے میں فوج کا منصوبہ کھل کرسامنے آگیاہے ۔ جناب الطاف حسین نے کہاکہ کراچی کواس کاحق دینے اور بااختیار بنانے کے بجائے اسے وفاق کے کنٹرول میں لینے کے مذموم منصوبہ کامقصد سوائے اس کے کچھ نہیں کہ کراچی کووفاق کے کنٹرول میں لیکراس کو مکمل طورپر وفاق کی کالونی بنالیاجائے اور کراچی کے تمام وسائل کوغصب کرلیاجائے ۔ جناب الطاف حسین نے سندھ کے تمام سچے عوام سے کہاکہ وہ آگے آئیںاور اس مذموم سازش کوناکام بنائیں۔ 

٭٭٭٭٭