ایم کیوایم امریکہ کی سینٹرل آرگنائزنگ کمیٹی کے رکن نظام احمد اور ان کی اہلیہ کی علالت پر
قائد تحریک الطاف حسین کااظہارتشویش
وفاپرست کارکنان وعوام نظام احمد اور ان کی اہلیہ کی صحت یابی کیلئے خصوصی دعا کریں، قائد تحریک الطاف حسین
لندن۔۔۔4، اپریل2020ئ
متحدہ قومی موومنٹ کے بانی وقائد جناب الطاف حسین نے ایم کیوایم امریکہ کی سینٹرل آرگنائزنگ کمیٹی کے رکن نظام احمد اور ان کی اہلیہ کی علالت پرگہری تشویش کااظہارکیا ہے اور ان کی جلد ومکمل صحت یابی کیلئے دعا کی ہے ۔ ایک بیان میں جناب الطاف حسین نے تمام وفاپرست ماؤں ، بہنوں، بزرگوں اور نوجوان کارکنان وعوام سے اپیل کی کہ وہ نظام احمد اوران کی اہلیہ کی جلدومکمل صحت یابی کیلئے اللہ تعالیٰ کے حضورخصوصی دعا کریں۔ جناب الطاف حسین نے دعا کی کہ اللہ تعالیٰ تمام انسانوںکو عالمی وباء سے محفوظ رکھے اور سب پر اپنا رحم وکرم فرمائے۔(آمین ثمہ آمین)
٭٭٭٭٭