ایم کیوایم کے رہنماؤں اورکارکنوں کی گرفتاریوں اورانہیں لاپتہ کرنے کے خلاف ایم کیوایم یوکے
کے زیراہتمام کل بروزہفتہ لندن میں پاکستان ہائی کمیشن کے سامنے مظاہرہ کیاجائے گا
مظاہرہ دوپہرایک بجے شروع ہوگا ۔ مظاہرے کیلئے انتظامیہ سے باقاعدہ اجازت حاصل کرلی گئی
پاکستان میں ایم کیوایم کے رہنماؤں اورکارکنوں کی بڑے پیمانے پر گرفتاریوں،چھاپوں ،گرفتارشدگان کولاپتہ کرنے ،انہیں سرکاری حراست میں تشدد کا نشانہ بنانے اورجبراًوفاداریاں تبدیل کرانے کے واقعات کے خلاف ایم کیوایم یوکے کے زیراہتمام کل بروز ہفتہ لندن میں پاکستان ہائی کمیشن کے سامنے احتجاجی مظاہرہ کیاجائے گا۔ مظاہرہ مقامی وقت کے مطابق دوپہرایک بجے شروع ہوگا ۔اس سلسلے میں متعلقہ انتظامیہ سے باقاعدہ اجازت حاصل کرلی گئی ہے ۔اس موقع پر کارکنوں کی گرفتاریوں کے خلاف ایک عرضداشت بھی ہائی کمیشن کوپیش کی جائے گی۔
*****