نعرہ زن ہے اعتماد۔۔۔ہم نہ ہوں ہمارے بعد، الطاف الطاف، یہ نعرہ مستانہ کراچی ، حیدرآباد اور سندھ دھرتی کی سرحدیں عبورکرتا ہوا پاکستان بھر کے شہروں، قصبوں ، دیہاتوں اور گوٹھوں میں گونج رہا ہے ، ہرگزرتے دن کے ساتھ ساتھ شمع الطاف کے پروانوں کی تعداد میں اضافہ ہورہا ہے اور پوری دنیا اس پر ریسرچ کررہی ہے کہ ایک غریب ومتوسط طبقہ سے تعلق رکھنے والی جماعت ایم کیوایم کے بانی وقائد جناب الطاف حسین جو گزشتہ 22 برسوں سے اپنے ملک، اپنے شہر، اپنی گلیوں اور اپنے ساتھیوں سے دورہیں، قیادت اور کارکنان کے درمیان جسمانی فاصلہ حائل ہے لیکن یہ فاصلہ قیادت کی کارکنان سے اورکارکنان کی قیادت سے محبت کم نہیں کرسکااورپاکستان کی تاریخ میں عقیدت اور محبت کے یہ نرالے اور انوکھے انداز پوری دنیا کو ورطہ حیرت میں مبتلا کیے ہوئے ہیں ۔
اللہ تعالیٰ بڑا مہربان، غفورالرحیم اور بے نیاز ہے ،مظلوموں کا حامی وناصر ہے ،جب اللہ تعالیٰ کسی قوم پر مہربان ہوتا ہے تو انہی کے درمیان سے ایک بے لوث، مخلص ، بے غرض اور بے باک قیادت پیداکرتا ہے اور پھر عوام الناس کے دلوں میں اس قیادت کیلئے عقیدت اور محبت بھی پیدا کردیتا ہے ۔ جب اللہ تعالیٰ نے دیکھا کہ بانیان پاکستان کی اولادوں پر ان کے اجداد کے بنائے ہوئے ملک میں ظلم وستم کے پہاڑ توڑے جارہے ہیں ، انہیں حقوق سے محروم کیاجارہا ہے ، انہیں زندہ رہنے اور زندگی گزارنے کے مواقع میسر نہیں ہیں اور کوئی ان مظلوموں کیلئے صدائے احتجاج بلند کرنے کو تیار نہیں ہے تو رب العزت نے حقوق سے محروم اور استحصال کا شکار عوام کی مدد کیلئے ان کے درمیان سے ایک قیادت قائد تحریک جناب الطا ف حسین کو منتخب کیااور مجبوروبے کس اورظلم کا شکار عوام کے دلوں میں جناب الطاف حسین کی محبت کی شمع روشن کردی۔ یہ بے لوث اور بے باک قیادت مظلوم طبقہ کیلئے عطیہ خداوندی ہے جس پر اللہ تعالیٰ کاجتنا بھی شکر اداکیاجائے کم ہے ۔
پاکستان کی سیاسی تاریخ میں بڑے بڑے سیاسی رہنما گزرے ہیں لیکن کارکنان وعوام عقیدت اورمحبت کا جو گوہرنایاب قائد تحریک جناب الطاف حسین کو حاصل ہے وہ کسی بھی سیاسی رہنما کو حاصل نہیں ہے ، قائد تحریک ببانگ دہل اللہ تعالیٰ کی اس نعمت کا شکرادا کرتے ہوئے کہتے ہیں کہ میں دنیا کا خوش قسمت ترین انسان ہوں کہ مجھے اللہ تعالیٰ نے اپنے ساتھیوں کے سچے پیار اور محبت کی دولت سے نوازا ہے اور دنیا بھر کی دولت رکھنے کے باوجودسچا پیار خریدا نہیں جاسکتا۔ قائد تحریک جناب الطاف حسین اپنے کارکنان پر ناز کرتے ہیں اور اپنے کارکنان پر فخرکرتے ہیں اسی طرح شمع الطاف کے پروانے کارکنان بھی اپنے قائد سے والہانہ عقیدت ومحبت کا اظہارکرتے ہیں اور فخریہ کہتے ہیں ’’ وہ جس پہ مرنا گوارا ہے ۔۔۔میرا قائد ہے‘‘
عقیدت ومحبت کے اس انداز نے ایم کیوایم دشمن عناصر کی ہرسازش کو ناکام بنایا ہے ، ایم کیوایم کو کچلنے اور اسے صفحہ ہستی سے مٹانے کیلئے استحصالی قوتوں نے کراچی ، حیدرآباد اور سندھ کے دیگر شہروں میں آگ اور خون کی ہولی کھیلی، ایم کیوایم کی قیادت پر جھوٹے مقدمات قائم کیے ، جناب الطاف حسین کے خلاف منفی اور شرانگیز پروپیگنڈے کیے لیکن جناب الطاف حسین سے والہانہ عقیدت ومحبت رکھنے والوں نے استحصالی قوتوں اور سازشی عناصر کے مکروہ عزائم کو ناکام بنادیا، محبت وعقیدت کے اظہار کی پاداش میں ایم کیوایم کے کارکنان کو خاک وخون میں نہلایا گیا، جھوٹے مقدمات میں پابند سلاسل کیا گیا، ٹارچرسیلوں میں بدترین اذیت کا نشانہ بنایا گیا اور ان پر عرصہ حیات تنگ کردیا گیا لیکن انکے دلوں سے جناب الطاف حسین کی محبت کو ختم نہیں کیاجاسکا۔ آج بھی حالات کے جبر کا شکار بے لوث، مخلص ، جانثاراور وفادارکارکنان جناب الطاف حسین سے والہانہ عقیدت ومحبت کا اظہارکرتے ہیں اور ان کے اشارے پر کبھی شعلہ اور کبھی شبنم بن جاتے ہیں ، عقیدت اور محبت کی یہ لازوال مثال دنیا کی تاریخ میں کم ہی نظر آتی ہے ۔ آج قائد تحریک جناب الطاف حسین کی 61 ویں سالگرہ ہے ، تمام تحریکی ساتھیوں کو جشن نوروز مبارک ہو۔

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025