قائد تحریک الطاف حسین کی ساٹھویں سالگرہ کے موقعے پر تحریر کیا گیا خصوصی مضمون
الطاف حسین ۔۔۔ہمارا رہبر

تحریر: سیّد تیمور علی

انسانی ارتقاء کی تاریخ ہمیں یہ بتاتی ہے کہ جب جب سماجی ناہمواریوں کے خاتمے کے لیے کوئی جدوجہد سامنے آئی تو اسے مراعات یافتہ اور حکمراں طبقے نے آڑے ہاتھوں لیا اور اس شخصیت کی جس نے اس نقیب کو بلند کیا، اس پر عرصہ حیات تنگ کیا گیا ۔ دنیا کی تاریخ کی طرح پاکستان کی تاریخ بھی اس سوچ سے بچ نہ سکے۔ قیام پاکستان کے بعد بانیانِ پاکستان کی رحلت اور باقی ماندہ قیادت کو غدار اور نہ جانے کیا کیا کہہ کر ٹھکانے لگایاگیا اور اقتدار پر ایک ایسے طبقے نے قبضہ کیا جس کا تحریک پاکستا ن سے دور پرے کا بھی واسطہ نہ تھا۔ اس کے سبب پاکستان میں جمہوری اور آئینی ارتقاء فروغ نہ پاسکا اور یوں شخصی حکومتوں اور آمریت نے اپنے ڈیرے اس ملک پر سایہ فگن کیے۔ اس اندھیرے کو توڑنے کی بہت سی مساعی کی گئیں لیکن اس میں کامیابی حاصل نہ ہوسکی۔ اس کے اسباب کا جائزہ لیے بغیر ہم ایک ایسی سوچ زیر بحث لاتے ہیں جس نے اس اندھیرے میں روشنی کی ایسی کرن روشن کی جس نے اس فرسودہ نظام کے اندر دراڑیں ڈالنا شروع کیں او ر بالآخر وہ طبقہ جو بانیانِ پاکستان کے بعد چور راستے سے اقتدار پر قابض ہوا اس کے ایوانوں میں ہلچل مچی اور ان کے برابر ایسے لوگ آنے لگے جو غریب اور متوسط طبقے سے تعلق رکھتے تھے۔ یہ وہ سوچ تھی جس کا راستہ ہر حربہ اور ہتھکنڈہ استعمال کرکے روکنے کی کوشش کی گئی۔ خون بھی بہایا گیا ، پابند سلاسل بھی رکھا گیا اور جلا وطن بھی کیا گیا۔ لیکن اس کے باوجود اس مردِ آہن نے اپنی جدوجہد کو ترک نہ کیا اور اس راستے پر نتائج کی پروا کیے بغیر چلتا رہا۔

آج بھی استحصالی طبقہ کسی نہ کسی انداز میں اسے راستے سے ہٹانے کی کوشش کر رہا ہے لیکن تابناک تاریخ کی طرح مظلوم اور متوسط طبقے کے رہبر قائد تحریک الطاف حسین امتحان کی ہر کسوٹی پر پورے اترے۔ اور آج بھی وہ پوری توانائی اور ہمت کے ساتھ ملک میں حقیقی معنوں میں جمہوریت کی بحالی اور عوام کی حکمرانی کی جدوجہد کو جاری و ساری رکھے ہوئے ہے۔ اس جدوجہد کے 35برس مکمل ہوچکے ہیں اورقائد تحریک الحمدللہ اپنی ساٹھویں سالگرہ آج منارہے ہیں۔ اگر ان کی کل عمر کا تناسب دیکھا جائے عمر کا 70فیصد سے زائد حصہ اس تابناک جدوجہد میں گزرا ہے اوری ہ تناسب کسی بھی سیاسی لیڈر کی زندگی میں اگر دیکھا جائے تو بہت زیادہ نظر آتا ہے۔ نوجوانی میں انہوں نے اس پر خطر راستے کا انتخاب کیا ہے۔ پورے ملک کے غریب اور متوسط طبقے کو ایک ایسا پلیٹ فارم مہیا کیا جس پر وہ جمع ہو کر اپنے نمائندے اعلیٰ ترین ایوانوں میں بھیج سکتے ہیں۔ وہ راستہ فراہم کیا جس پر چل کر ملک سے سماجی ناہمواری کا خاتمہ کرکے انصاف پر مبنی نظام قائم کیاجاسکتا ہے۔ آج ملک میں کرپشن ، بد امنی، دہشت گردی کا دور دورہ ہے۔ اس کی بنیادی وجہ انصاف کی عدم فراہمی ، جرم و سزا کے تصور کی عدم موجودگی، اقرباء پروری اور خاندانی سیاست ہے۔ پاکستان کی سیاسی جماعتوں میں آج بھی ایم کیو ایم ایک ایسی جماعت ہے جس میں کارکنان کے گھر والے نہ تو اسمبلیوں میں ہیں اور نہ ہی کسی مراعات یافتہ عہدوں پر۔ اس کے برعکس آج تبدیلی کا نعرہ لگانے والے ، ملک کی تقدیر بدلنے کا نعرہ لگانے والوں کا اگر کردار دیکھئے تو وہ بمعہ اہل وعیال پارلیمنٹ کا حصہ ہے اور جو بچ گئے وہ جماعتی ذمہ داریوں پر براجمان ہو کر احکامات جاری کر رہے ہیں۔ جھنڈے لگانے والے ، دریاں بچھانے والے اور نعرے لگانے والے آج بھی اپنے رہنماؤں کے گھروں کے باہر اپنے مسائل کے حل کی راہ تکتے ہیں۔

اس کے برعکس اگر قائد تحریک الطاف حسین کی بنائی ہوئی جماعت ایم کیو ایم کا جائزہ لیں جس کے اراکین قومی و صوبائی اسمبلی و سینٹ عوام میں سے ہی ہیں اور وہ عوام کے درمیان رہتے ہیں۔ کارکنان کی نہ صرف دسترس میں ہیں بلکہ مشکل حالات میں یہ عوامی نمائندے کارکنان ہی نہیں بلکہ عوام کے شانہ بشانہ نظر آتے ہیں۔ اسی بنیاد پر تاریخ کی اس اہم شخصیت کو جس نے 17ستمبر1953ء کو جنم لیا، ہم اپنا رہبر گردانتے ہیں۔ اور آج یہ شخصیت جو ہمارے ہی نہیں بلکہ 98فیصد حقوق سے محروم عوام کے دلوں پر حکمران ہے، اسے ہم دل کی گہرائیوں سے ساٹھویں یوم پیدائش کی مبارکباد پیش کرتے ہیں۔ اس موقعے پر یہ امید کرتے ہیں کہ ہم جلد اس منزل کو حاصل کریں گے جس کا تعین قائد تحریک الطاف حسین نے کیا ہے۔

ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025	اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025
ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025	متحدہ قومی موومنٹ کے سینئرارکان مطلوب زیدی ، یوسف سعید اورکاشف زیدی کو... 02 Dec 2025
1973ء کاآئین مکمل طورپر مسخ کیاجاچکاہے،کیااب اس بات کی ضرورت نہیں ہے ک... 02 Dec 2025	وزیراعلیٰ سندھ کو معلوم ہوناچاہیے کہ برصغیرکی تقسیم سے قبل سندھ بمبئی ... 02 Dec 2025
پیپلزپارٹی کی کراچی دشمن پالیسیوں کی وجہ سے کراچی کو علیحدہ صوبہ بنانے... 01 Dec 2025	کراچی میں نیپاچورنگی کے علاقے میں کھلے مین ہول میں تین سالہ بچے ابراہی... 01 Dec 2025
فوج کے جرنیلوں اور کورکمانڈروں سے درخواست ہےکہ سندھ سیکریٹریٹ کادورہ ک... 30 Nov 2025	انڈین ٹی وی چینل کو انٹرویو د ینے سےمحترمہ نورین نیازی غدار اورملک د... 30 Nov 2025