فروری مزدوروں کی بقاء کا دن .....تحریر : نفیس فاطمہ

Posted on: 2/28/2015 Views:3190

تحریر : نفیس فاطمہ روزنامہ: نوائے وقت کائنات کی ہر شے کسی نہ کسی مقصد کے لیے محنت کرتی نظر آتی ہے۔ دنیا کی کامیابی کا راز محنت میں پوشیدہ ہے۔ محنت کرنے والے مزدور جو معاشرے میں ریڑھ کی ہڈی کی حیثیت رکھتے ہیں لیکن محنت کرنے والے مزدوروں کی پریشانیاں اور ان کی مشکلات کو کسی نے بھی کبھی درخوئے اعتنا نہیں سمجھا۔ لیکن ان مشکلات اور مسائل کو درد مندی اور حساس دن اگر کسی نے محسوس کیے تو وہ قائدِ تحریک الطاف حسین ہیں جنہوں نے مزدوروں کے مسائل کے حل کے لیے اور ان کی مشکلوں اور پریشانیوں کو کم کرنے کے لیے 28فروری 1987ء کو لیبر ونگ ایم کیو ایم کے قیام کا اعلان کیا۔ اس دن مزدوروں کے چہرے خوشی سے دمک رہے تھے۔ انہیں صاف نظر آرہا تھا کہ ان کے مسائل کا حل ان کی محنت کا صلہ اور ان کے خاندانوں کو تحفظ دینے کے لیے اب تک قابلِ یقین اور قابلِ احترام ادارہ ایم کیو ایم لیبر ونگ کی صورت میں موجود ہے۔ لیبر ونگ کے قیام سے نہ صرف یہ کہ مزدوروں کے مسائل کا حل ملا بلکہ ان اداروں میں جہاں وہ محنت کی روزی کماتے تھے ان اداروں کے مالکان کے ظلم و ستم سے بھی تحفظ ملا۔
قائدِ تحریک نے ہمیشہ لیبر ونگ کے حوالے میں محنت، لگن اور رزقِ حلال کی کمائی کا درس دیا اور ہمیشہ اس قول کی حمایت کی کہ مزدوروں کا پسینہ خشک ہونے سے پہلے ان کی اجرت مل جانا چاہیے۔ تاریخ میں محنت کی بدولت کانامے انجام دینے والوں کے نام ہمیشہ زندہ رہتے ہیں۔ محنت کے ذریعے معمولی سے معمولی انسان بھی اوجِ کمال تک پہنچ سکتا ہے۔ دنیا میں عظیم انسانوں کی سوانح عمریاں اس بات کی گواہ ہیں کہ جن لوگوں نے محنت، سچائی اور جہدِ مسلسل کو اپنا شعار بنایا وہ ترقی کے آسمان پر فائز ہوئے۔ یہ ہی سبق ہمیشہ قائدِ تحریک نے لیبر ونگ کے پلیٹ فارم سے دیا جس کی وجہ سے ایم کیو ایم لیبر ونگ نے دن دگنی رات چوگنی ترقی کی اور آج ملک کے تمام اداروں میں ایم کیوایم لیبر ونگ کے یونٹ بڑی جانفشانی سے کام کررہے ہیں اور نہ صرف مزدوروں کے مسائل حل کررہے ہیں بلکہ حق پرستی کی راہ پر چل کر حق دار کو حق دلوارہے ہیں۔ مزدور کی یونین کسی بھی ادارے میں ہو وہ مزدوروں کے حقوق کے لیے دن رات کوشاں ہیں۔ ایم کیوایم لیبر ونگ کے قیام کو 28سال ہوئے، ان 28سال میں قائدِ تحریک کی ہدایت اور رہنمائی بھی ساتھ ساتھ ہیں۔ پہلے اکثر اداروں میں مزدوروں کو کوئی تحفظ نہیں تھا وہ نہ صرف یہ کہ جبری ریٹائیرمنٹ کا شکار ہوتے تھے بلکہ دورانِ ملازمت معمولی باتوں پر ان کی تنخواہ کاٹ لی جاتی تھی۔ ایم کیو ایم لیبر ونگ نے اس نظام کے خلاف آواز اٹھائی اور آج ملک کے گوشے گوشے میں یہ پیغام پھیل چکا ہے۔ آج لیبر ونگ مزدوروں کے مسائل حل کرنے کے لیے دن رات کوشاں ہے اور آج خراب اور نامنصفانہ نظام کے سامنے دیوار بن کر حائل ہے۔خدا ایم کیو ایم لیبر ڈویثرن کو مزید مستحکم اور مضبوط بنائے تاکہ مزدوروں کے مسائل حل ہوتے رہیں۔

Happydiwali2025 ... 20 Oct 2025	Altaf Hussain calls for permanent ceasefire with Afghanistan: ... 16 Oct 2025
Make good bilateral ties with Afghanistan rather than becoming deadlie... 16 Oct 2025	Altaf condemns impediments in KP CM election; calls It “Injustice to P... 14 Oct 2025
Creating impediments in the election of the KP CM through undemocrati... 13 Oct 2025	Late Aftab Ud Din Baqai will remain immortal in the history of the MQM... 11 Oct 2025
Can 250 million people of Pakistan accept Trump’s peace plan which is ... 04 Oct 2025	Decree awarding clerics, religious scholars of Pakistan should remove ... 03 Oct 2025
The Prime Minister of Pakistan! How come you accepted a 20-point peace... 02 Oct 2025	Why the Palestinian representative not taken on board in the 20-point ... 02 Oct 2025