وزیراعظم نواز شریف، وزیرِ داخلہ چوہدری نثار کو فی الفور برطرف کریں: رؤف صدیقی

متحدہ قومی موومنٹ کے سینئر رکن، مختلف تحریکی ذمہ داریوں پر فائز سابق صوبائی وزیرِ داخلہ سندھ اورموجودہ صوبائی وزیرِ صنعت و تجارت سندھ اور انچارج سینٹرل ایگزیکٹیو کونسل ایم کیو ایم رؤف صدیقی نے اپنے ایک بیان میں وزیرِ اعظم پاکستان نواز شریف کو مخاطب کرتے ہوئے کہا ہے کہ اگر آپ ملک کی بقا و سلامتی اور اپنی حکومت کے پانچ سال جاری رکھنے کا عزم رکھتے ہیں تو اپنے اندر موجود جھوٹے اور ناقابلِ بھروسہ شخص وفاقی وزیرِ داخلہ جیسے منصب کی ذمہ داری پر فائز چودھری نثار کو فلفور بر طرف کریں جو پاکستان میں ان گنت نقصانات اور ملکی مسائل کا سامان فراہم کرتا رہا ہے اور اس نے حال ہی میں کروڑوں عوام کے قائد جناب الطاف حسین جو صرف ایم کیو ایم کے قائد ہی نہیں بلکہ پاکستان کی اٹھانوے فیصد محروم و محکوم عوام کے نمائندہ لیڈر ہیں جن کی پاکستان کی بقا و سلامتی اور ترقی کیلئے بے پناہ قربانیاں ہیں اور ان کے آباو اجداد کی بحیثیت بانیانِ پاکستان بے پناہ و لازوال قربانیاں ہیں، اس محبوب لیڈر کی شہریت کے حصول کیلئے شناختی کارڈ اور پاکستانی پاسپورٹ کے حصول کیلئے جن جھوٹے دلائل کا ذکر کرتے ہوئے ان کی اپیل کو مسترد کیا ہے اور جس طرح وزیرِ داخلہ چودھری نثار نے پاکستان کی عوام کے دلوں کو صدمہ پہنچایا ہے اور جن کے اس عمل کی وجہ سے نواز شریف کی حکومت کی پوری دنیا میں جگ رسائی اور بدنامی ہوئی ہے ، لہٰذا وزیرِ اعظم نواز شریف کیلئے بہتر ہے کہ وہ اپنی حکومت کی بھلائی اور استقامت کیلئے نہ صرف اس جھوٹے اور ریا کار وزیرِ داخلہ کو سکبدوش کریں بلکہ اپنی پارٹی کی نیک نامی کیلئے بارہ گھنٹے کے اندر اندراس کو پارٹی کی رکنیت سے بھی خارج کریں ورنہ میں متحدہ قومی موومنٹ کی رابطہ کمیٹی سے درخواست کروں گا کہ وہ ایم کیو ایم اور الطاف حسین دشمن رویے اور ملک دشمن رویے کے خلاف کل سے ملک گیر احتجاجی مہم شروع کریں۔