آج کاپاکستان قائداعظم اورعلامہ اقبال کے وژن کاپاکستان نہیں بلکہ مذہبی انتہاپسندوں، جاگیرداروں اورمراعات یافتہ طبقہ کی ز نجیروں میں جکڑاہواپاکستان ہے۔ڈاکٹرخالدمقبول صدیقی

لندن۔۔۔25 مارچ 2014ء

متحدہ قومی موومنٹ کی رابطہ کمیٹی کے ڈپٹی کنوینرڈاکٹرخالدمقبول صدیقی نے کہاہے کہ آج کاپاکستان قائداعظم محمدعلی جناح اورعلامہ اقبال کے وژن کاپاکستان نہیں بلکہ یہ مذہبی انتہاپسندوں، جاگیرداروں اورمراعات یافتہ طبقہ کی ز نجیروں میں جکڑاہواپاکستان ہے، پاکستان کوحقیقی معنوں میں ان زنجیروں سے آزادکراناہے اور پاکستان کوبچاناہے توپوری قوم کوقائدتحریک الطاف حسین کی قیادت میں متحدہوناہوگااسی صورت میں ہم اپنے خوابوں کی منزل پرپہنچ سکتے ہیں۔ انہوں نے یہ بات ایم کیوایم یوکے کے زیراہتمام برطانیہ کے دارالحکومت لندن میں ایم کیوایم کے 30ویں یوم تاسیس کے سلسلے میں منعقدہ اجتماع سے خطاب کرتے ہوئے کہی جس میں لندن، برمنگھم، مانچسٹر، بریڈفورڈ،شیفلڈ اوردیگرشہروں میں مقیم ایم کیوایم کے کارکنوں اورہمدردپاکستانیوں نے بڑی تعدادمیں شرکت کی ۔اجتماع میں پاکستان سے آئے ہوئے رابطہ کمیٹی کے ارکان عبدالحسیب ، خالدسلطان اوررابطہ کمیٹی لندن کے ارکان طارق جاوید، مصطفےٰ عزیزآبادی بھی شریک تھے۔اجتماع سے اپنے خطاب میں ڈاکٹر خالد مقبول صدیقی نے حاظرین کویوم پاکستان اورایم کیوایم کے یوم تاسیس کی مبارکبادپیش کرتے ہوئے کہاکہ ہمارے بزرگوں نے 23مارچ 1940ء کوقیام پاکستان کی بنیادرکھی،پاکستان تواس کے سات سال کے اندرحاصل کرلیاگیا لیکن قیام پاکستان کے مقاصدآج تک حاصل نہیں ہوئے، پاکستان کوجاگیردارانہ نظام کی زنجیروں نے جکڑلیا،یہ جاگیردارانہ نظام جمہوریت کی ضدہے۔ اسی فرسودہ نظام کی وجہ سے آج تک عوام کوحقوق نہیں ملے،آج بھی عام پاکستانی ننگے پاؤں ہیں اورزندگی کی بنیادی سہولتوں سے محروم ہیں لہٰذا 

بانیان پاکستان کی اولادوں کو18مارچ 1984ء کوایم کیوایم کی شکل میں ایک بارپھراپنی جدوجہدکے نئے سفرکاآغازکرناپڑا۔ڈاکٹرخالدمقبول صدیقی نے کہاکہ لوگ کہتے ہیں کہ ایم کیوایم سے قبل حالات بہت اچھے تھے اورحالات ایم کیوایم کی وجہ سے خراب ہوئے۔ انہوں نے کہاکہ ایم کیو ایم سے قبل بڑی بڑی سیاسی ومذہبی جماعتیں سیاسی میدان عمل میں تھیں،اگرحالات بہت اچھے ہوتے ،عوام کوان کے حقوق میسرآرہے ہوتے تو قائدتحریک الطاف حسین کوایم کیوایم بنانے کی ضرورت پیش نہ آتی،ایم کیوایم سے قبل موجود تمام سیاسی ومذہبی جماعتیں عوام کی محرومی دورنہیں کرسکیں،اسی وجہ سے ایم کیوایم وجودمیں آئی۔انہوں نے کہاکہ ایم کیوایم وہ واحدجماعت ہے جو موروثی سیاست نہی کرتی، قائدتحریک الطاف حسین کے خاندان نے تحریک کی جدوجہدکے دوران جان ومال کی قربانی ضروردی لیکن اسمبلیوں یااقتدارکے ایوانوں میں قائدتحریک الطاف حسین کے خاندان کاکوئی فردنہیں۔ انہوں نے کہاکہ قائدتحریک الطاف حسین نے اپنی بصیرت کوحقیقت میں تبدیل کیااورجوکہاوہ کرکے دکھایا۔ ڈاکٹرخالدمقبول صدیقی نے کہاکہ آج پاکستان کو دہشت گردی کی جس لہرکا سامنا ہے اس خطرے سے قائدتحریک الطاف حسین نے کئی سال قبل ہی آگاہ کردیاتھا ۔پاکستان کوبچانے کیلئے پوری قوم کومتحدہونا ہوگااسی صورت میں ہم اپنے خوابوں کی منزل پر پہنچیں گے۔ اجتماع سے خطاب کرتے ہوئے رابطہ کمیٹی کے رکن عبدالحسیب نے کہاکہ قائدتحریک الطاف حسین صرف مہاجروں کی نہیں بلکہ تمام محروموں اورمظلوموں کی آوازہیں، ان کاوژن اورنظریہ بڑاہے،اس نظریہ کی سرحدکسی ایک شہریاصوبے تک محدودنہیں بلکہ پاکستان کے چاروں صوبوں اورملک کے چپہ چپہ تک پھیلی ہوئی ہیں،یہ نظریہ انسانیت کی فلاح کانظریہ ہے اورہم اس نظریہ کوپھیلانے اوراس کی کامیابی کیلئے قربانیاں دیتے رہیں گے اوراپنی جدودجہدجاری رکھیں گے۔ رابطہ کمیٹی کے رکن خالدسلطان نے اپنے خطاب میں کہاکہ 23مارچ اور18مارچ دونوں تاریخیں ہمارے بزرگوں کے خون سے لکھی گئی ہیں ۔ ہمارے بزرگوں نے پاکستان بنانے کیلئے جولازوال قربانیاں دی ہیں ان کی داستان بہت طویل ہے ، ہم اپنے بزرگوں کے بنائے ہوئے وطن کی بقاء وسلامتی اورترقی وخوشحالی کے لئے کسی بھی قربانی سے دریغ نہیں کریں گے۔ ایم کیوایم یوکے کے آرگنائزرڈاکٹر سلیم دانش نے اپنے خطاب میں کہاکہ پاکستان میں بہت سے لوگ نظام میں تبدیلی کی بات کرتے ہیں لیکن پاکستان میں اگرکوئی لیڈرحقیقی تبدیلی لاسکتاہے تو وہ صرف قائدتحریک الطاف حسین ہیں جنہوں نے طلبہ تنظیم کے پلیٹ فارم سے اپنی جدوجہدشروع کی اورآج ایم کیوایم کی شکل میں ایک بڑی عوامی تحریک پاکستان بھرمیں موجودہے۔اجتماع سے ایم کیوایم یوکے کے جوائنٹ آرگنائزرسہیل خانزادہ،آرگنائزنگ کمیٹی کے رکن ہاشم اعظم اورایم کیوایم یوکے یوتھ ونگ کی حباء دانش نے بھی خطاب کیا۔ اس موقع پر ایم کیوایم کے 30 ویں یوم تاسیس کی خوشی میں کیک بھی کاٹاگیا۔