ایم کیوایم کے سینئر ڈپٹی کنوینر عامرخان بھی ہفتہ کی شب سے تادم مرگ بھوک ہڑتال پر بیٹھ گئے

کراچی ۔۔۔20، اگست2016ء 

متحدہ قومی موومنٹ کے سینئرڈپٹی کنوینرعامرخان بھی ایم کیوایم کی بھوک ہڑتال میں شامل ہوتے ہوئے ہفتہ کی شب سے تادم مرگ بھوک ہڑتال پر بیٹھ گئے۔ عامرخان کے تادم مرگ بھوک ہڑتال پربیٹھنے کاباقاعدہ اعلان ایم کیوایم کی رابطہ کمیٹی کے سینئر ڈپٹی کنوینر ڈاکٹر محمد فاروق ستارنے کیااورعامرخان کا بھوک ہڑتالی کیمپ پربیٹھے بھوک ہڑتالی کی جانب سے خیرمقدم اورخوش آمدید کیا اور انہیں دل کی گہرائیوں سے مبارکباد دی۔ ڈاکٹر محمد فاروق ستار نے کہا کہ ایم کیوایم کی بھوک ہڑتال میں شامل ہونے کے لئے ہمارے پاس سینکڑوں کارکنان نے اپنے نام لکھوائیں ہیں اوراگرہم نے انہیں بھوک ہڑتال پربیٹھنے کی اجازت دیدیں تویہاں ہزاروں کی تعداد میں بھوک ہڑتال کارکنان موجود ہونگے لیکن ہم نے ایک طریقہ واضح کیا ہے ہمیں ان ساتھیوں کی صحت کودیکھناہے کہ وہ اپنی صحت کے اعتبارسے کتنے فٹ ہیں۔ ان کی کوشش اورخواہش ہے کہ انہیں بھی موقع دیاجائے ۔آج متحدہ قومی موومنٹ کے سینئر ڈپٹی کنوینرعامرخان بھی بھوک ہڑتالی میں شامل ہورہے ہیں،متحدہ قومی موومنٹ کی تادم مرگ بھوک ہڑتال سیاسی جمہوری احتجاج ہے ،تادم مرگ بھوک ہڑتال انتہائی اقدام اورطریقہ ہے۔بھوک ہڑتال کامقصدیہ ہے کہ ناانصافیوں،جبری طورپرلاپتہ،ماورائے عدالت قتل،بلاجوازچھاپے گرفتاریوں کاجوسلسلہ جاری ہے اس کاازالہ کیا جائے، جھوٹے مقدمات کارکنان اور حمامیوں پرتشددکیاجارہاہے ان پرظلم کے پہاڑتوڑے جارہے ہیں،چھاپے کے دوران چادر اور چار دیواری کا تقدس پامال کیا جارہا ہے اور یہ سب کچھ بانیاں کی پاکستان کی اولادوں کے ساتھ کیاجارہاہے ،یہ سلوک رکھا جارہا ہے اس کے بعدیہ دعویٰ بھی کیا جارہا ہے کہ شہرمیں امن قائم ہوگیاہے ،رینجرزکے اہلکار ہو یا پولیس کے اہلکارہوں جو ناانصافیوں ہورہی ہے کیاجنگل کا قانون ہے ہماری سیاسی آزادی ،بنیادحقوق ،فلاحی سرگرمیوں پرغیراعلانیہ پابندی لگادی گئی ہے،قائدتحریک الطا ف حسین کی تصویر،تقریراور بیانات پرپابندی لگادی گئی ہے اس کی وجہ سے ہم تادم مرگ بھوک ہڑتال کے انتہائی اقدام پربیٹھے ہیں،ہم سے اظہاریکجہتی کے لئے پیپلزپارٹی اورحکمراں جماعت کا نمائندہ وفد بھی آیا ہم جومطالبہ رکھاہے ان کے سامنے رکھااس میں انصافیوں کاسلسلہ ختم ہونا چاہئے،ہماری سیاسی وفلاحی سرگرمیوں سے غیراعلانیہ پابندیوں کاسلسلہ ختم ہوناچاہئے ،لاپتہ کارکن بازیاب ہونے چاہئے ،جوازالہ کمیٹی بنائی گئی ہے اس کوفعال ہوناچاہئے اس کمیٹی نے 9ماہ سے کوئی کام نہیں کیا،ہماری شکایات کوسناجائے اوراس پرعمل کیاجائے۔ ڈاکٹر محمد فاروق ستار نے عامرخان کوتادم مرگ بھوگ ہڑتالی کیمپ میں خوش آمدیدکہتے ہوئے کہاکہ پاکستان سے ظلم کاخاتمہ ہوناچاہئے ورنہ یہ احتجاج ملک کے دیگرحصوں میں جائے گاجہاں عوام ہمارے ساتھ سڑکوں پرہونگے،ریلیاں ہونگی،دھرنے ہونگے، میئر کا مسئلہ ہو یا بلدیاتی اداروں کو بااختیار بنانے کامسئلہ ہو دنیا کی تاریخ کے بڑے دھرنوں میں سے بڑا دھرنا ہوگا اور آپ دیکھیں گے جوبھی ریلیاں ہونگی وہ بھی تاریخ کاحصہ ہونگی ۔انہوں نے پی ایف یوجے اورکے یوجے کے وفودکی بھی آمد کا شکریہ اداکیا اوردانشوروں اور پوری قوم کوسوچنا چاہئے کہ اس عذاب سے کس طرح نکلا جائے۔




تصاویر