ایم کیوایم عوامی مسائل کمیٹی کی اراکین نے شیلٹر ہاؤس میں خواتین، بچوں، بچیوں اور بزرگوں کو جناب الطاف حسین کی سالگرہ کی خوشیوں میں شریک کرنے کیلئے ان کے ہمراہ کیک کاٹا اور تحائف تقسیم کیے
شیلٹر ہاؤس میں موجود لوگوں نے قائد تحریک کی درازی عمر صحت و تندرستی کیلئے خصوصی دعائیں کیں
کراچی: ۔۔۔25، ستمبر2013ء
ایم کیوایم عوامی مسائل کمیٹی کی اراکین زرین مجید، ناہید فاطمہ، سیما زرین،عابدہ اسماعیل اور کشور سلطانہ نے غریب مستحق اوربے سہارا افراد کو قائد تحریک الطاف حسین کی سالگرہ کی 60ویں سالگرہ کی خوشیوں میں شریک کرنے کیلئے عائشہ منزل پرواقع پناہ شیلٹرہاؤس جا کرغریب، یتیم و بے سہارا اور مستحق لوگوں سے ملاقات کی اور انکے ہمراہ جناب الطاف حسین کی سالگرہ کا کیک کاٹا۔ اس موقع پرانہوں نے شیلٹر ہاؤس میں موجودخواتین ،معصوم بچوں،بچیوں اوربزرگوں سے ان کے مسائل معلوم کیے اورانہیں ایم کیوایم کی جانب سے ہرممکن تعاون کا یقین دلایا۔ انہوں نے شیلٹرہاؤس میں مقیم لوگوں میں قائد تحریک جناب الطاف حسین کیجانب سے چوڑیاں، دوپٹے، ملبوسات اور دیگر تحائف تقسیم کیے۔ اس موقع پرشیلٹر ہاؤس میں موجود خواتین، معصوم بچوں، بچیوں اور بزرگوں نے عوامی مسائل کمیٹی کے اراکین کواپنے مسائل سے آگاہ کیا اور قائد تحریک جناب الطاف حسین کو سالگرہ کی مبارکباد دی اور ان کی صحت و تندرستی اور درازی عمر کیلئے دعائیں کیں۔