ایم کیوایم کے زیر اہتمام 19، جون 1992ء کے شہداء کی 21 ویں برسی بدھ 19 جون کو ملک بھر میں منائی جائے گی

کراچی ۔۔۔18، جون 2013ء 

متحدہ قومی موومنٹ کے زیر اہتمام سانحہ 19جون 1992ء کے شہداء کی 21ویں برسی بدھ 19جون کو ملک بھر میں انتہائی عقیدت و احترام کے ساتھ منائی جائے گی اور ایم کیوایم کے دفاتر پر شہداء کے ایصال ثواب کیلئے قرآن خوانی وفاتحہ خوانی کے اجتماعات منعقد ہوں گے ۔اس سلسلے کا مرکزی اجتماع ایم کیوایم کے مرکز نائن زیر وسے متصل لال قلعہ گراؤنڈ عزیز آباد میں بعد نماز ظہر منعقد ہوگا جس میں شہداء کو زبردست خراج عقیدت پیش کیا جائے گا ۔ کراچی کے علاوہ اندرون سندھ ، صوبہ پنجاب ، بلوچستان ، خیبر پختونخوا ، گلگت بلتستان اور آزاد کشمیر میں بھی 19جون 1992ء کے شہداء کی 21برسی کے موقع پر شہداء کے ایصال ثواب کیلئے قرآن خوانی و فاتحہ خوانی کے اجتماعات منعقدکئے جائیں گے۔