جناب الطاف حسین نے اپنے چاہنے والوں کو سیاست برائے خدمت کا درس دیا ہے، کنور نوید جمیل

کراچی۔۔۔7اپریل2015ء

حلقہ این اے 246کے نامزد حق پرست امید وار کنور نوید جمیل نے کہا ہے کہ جناب الطاف حسین نے اپنے چاہنے والوں کو سیاست برائے خدمت کا درس دیا ہے اورایم کیو ایم اسی درس پر چل کر پاکستان کو صحیح معنوں میں قائد اعظم محمد علی جناح ؒ کا پاکستان بنائے گی۔ان خیالات کا اظہار انہوں نے گلشن مصطفی بلاک 15اور بلاک 12فیڈرل بی ایریا میں علیحدہ علیحدہ منعقدہ بڑی کارنر میٹنگزسے خطاب کرتے ہوئے کیا۔اس موقع پر انکے ہمراہ حق پرست ارکان اسمبلی،ایم کیو ایم الیکشن سیل کے ذمہ دارا ن اور کارکنان اور عوام کی کثیر تعداد موجود تھی۔ کنور نوید جمیل نے کہا کہ ایم کیو ایم کو جب موقع ملا وہ عوام کے درمیان رہ کر انکی عملی خدمت میں مصروف رہی ہے اورانشاء اللہ آنے والا وقت بھی حق پرستوں کی فتح کا ہے۔انہوں نے کہا کہ جو جماعتیں 2013ء کے عام انتخابات میں طالبان کے بغل گیر بن کر آئی تھیں وہ جماعتیں آج ایک مرتبہ پھر کراچی پر قبضہ کرنے کا خواب دیکھ رہی ہیں لیکن انہیں شاید معلوم نہیں ہے کہ یہ شہر صرف اور صرف جناب الطاف حسین کے چاہنے اور ماننے والوں کا ہے اور یہاں کوئی منافقت نہیں چلے گی۔کنور نوید نے عوام سے اپیل کی کہ وہ 23اپریل کو پتنگ پر مہر لگاکر حق پرستی کا ثبوت دیں۔













More Pictures