متحدہ قومی موومنٹ کی جانب سے مورخہ 4 اپریل 2015ء بروز ہفتہ شام 5 بجے جناح گراؤنڈ عزیزآباد میں فیملی بسنت فیسٹیول کا اہتمام کیا جائے گا
حلقہ این اے 246 کے رہائشی خواتین، مائیں، بہنیں، بزرگ اور بچے زیادہ سے زیادہ تعداد میں شرکت کریں، رابطہ کمیٹی کی اپیل
کراچی :۔۔3؍ اپریل 2015ء
قومی اسمبلی کے حلقہ این اے 246کے ضمنی انتخاب کیلئے نامزد حق پرست امیدوار کنور نوید جمیل کے حلقہ انتخاب میں واقع ایم کیو ایم مرکز سے متصل جناح گراؤنڈ عزیزآباد میں متحدہ قومی موومنٹ کی جانب سے مورخہ 4اپریل 2015ء بروز ہفتہ شام 5بجے، خواتین، بچے، نوجوان اور بزرگوں کیلئے فیملی بسنت فیسٹیول کا انعقاد کیا جائے گا ۔ بسنت فیسٹیول میں خواتین اور لڑکیوں کو مفت چوڑیاں فراہم کی جائیں گی اور بچوں کیلئے فیس پینٹنگ کا اہتمام کیاگیا ہے ، اس کے علاوہ نوجوان اور بزرگوں کیلئے بسنت فیسٹیول کی مناسبت سے پتنگ بازی کا بھی اہتمام کیا جائے گا۔ متحدہ قومی موومنٹ کی رابطہ کمیٹی نے حلقہ این اے 246کے رہائشی خواتین ، مائیں ، بہنیں ، بزرگ اور بچوں سے اپیل کی ہے کہ جناح گراؤنڈ عزیزآباد میں منعقدہ بسنت فیسٹیول میں زیادہ سے زیادہ تعداد میں شرکت کریں۔